Cover page obzor iqtisodiy-last 7B. cdr

6-боб. Корпоратив низолар билан боғлиқ
ишлар бўйича суд амалиёти
233
зарарнинг тўла қопланишини талаб қилиши мумкин . Зарар деганда, 
ҳуқуқи бузилган шахснинг бузилган ҳуқуқини тиклаш учун қилган 
ёки қилиши лозим бўлган харажатлари, унинг мол-мулки йўқолиши 
ёки шикастланиши (ҳақиқий зарар), шунингдек бу шахс ўз ҳуқуқлари 
бузилмаганида одатдаги фуқаролик муомаласи шароитида олиши 
мумкин бўлган, лекин ололмай қолган даромадлари (бой берилган 
фойда) тушунилади .
Фкнинг ушбу моддаси мазмунига кўра бошқа шахснинг ҳаракат-
лари (ҳаракатсизлиги), шунингдек мажбуриятларни бажармаслиги 
ёки лозим даражада бажармаслиги оқибатида ҳуқуқи бузилган 
шахс етказилган зарарни қоплашни талаб қилишга ҳақлилиги 
тушунилади . 
Ушбу ҳолда АЖ акциядорлари С .каримов, И .Алиев ва Р .Мир-
аҳмедовлар овоз беришда танлаш ҳуқуқидан фойдаланиб, умумий 
йиғилиш кун тартибига қўйилган масалалар юзасидан қарши овоз 
берганлиги бошқа акциядорларнинг ҳуқуқлари ва қонун билан 
қўриқланадиган манфаатларини бузмаган, шунингдек уларнинг 
бундай ҳаракатлари бошқа акциядорларнинг қонун ҳужжатларида 
назарда тутилган ҳуқуқларини амалга ошириш имкониятини чеклаб 
қўймаган . Шунга мувофиқ овоз беришда танлаш ҳуқуқининг амалга 
оширилганлиги АЖ ва АЖ акциядорлари учун зарар етказилиши 
мумкин эмас .
Шу боис Ҳайъат ҳал қилув қарорини бекор қилиб, даъво талабини 
қаноатлантиришни рад этиш ҳақида янги қарор қабул қилишни лозим 
топган .
6.16. Узрли сабабга кўра акциядорларнинг умумий 
йиғилишида иштирок этмаган ёки бундай қарор қабул 
қилинишига қарши овоз берган акциядор акциядорларнинг 
умумий йиғилиши томонидан қабул қилинган қарор устидан 
судга шикоят қилишга ҳақли.
“Хизмат-С” АЖнинг (бундан буён матнда ”АЖ” деб юритилади) 
устави 2012 йил 23 нояябрда давлат рўйхатига олинган бўлиб, 

---