Cover page obzor iqtisodiy-last 7B. cdr

ИҚТИСОДИЙ ИШЛАР БЎЙИЧА 
СУД АМАЛИЁТИ
158
“Ўзбекистон Республикасида мулкчилик тўғрисида”ги Ўзбекистон 
Республикаси Қонуни 1-моддасининг иккинчи қисмига кўра мулкдор 
ўзига тегишли мол-мулкка ўз ихтиёрига кўра эгалик қилади, ундан 
фойдаланади ва уни тасарруф этади . 
Ўзбекистон Республикаси Вазирлар Маҳкамасининг “Ўзбекистон 
Республикасида кўчмас мулк давлат кадастрини юритиш тўғрисида” 
1997 йил 2 июндаги 278-сонли қарорининг 3-бандига кўра 
Ўзбекистон Республикаси Фуқаролик кодексининг 84-моддасида 
назарда тутилган бинолар ва иншоотларга эгалик ҳуқуқини 
ҳамда улар юзасидан битишувларни давлат рўйхатидан ўтказиш 
Ўзбекистон Республикаси ер ресурслари, геодезия, картография ва 
давлат кадастри давлат қўмитасининг туманлар (шаҳарлар) ер тузиш 
ва кўчмас мулк кадастри давлат корхоналари томонидан амалга 
оширилади .
Ўзбекистон Республикаси Вазирлар Маҳкамасининг 2014 йил
7 январдаги 1-сонли қарори билан тасдиқланган “кўчмас мулкка 
бўлган ҳуқуқларни ва у ҳақда тузилган битимларни давлат 
рўйхатидан ўтказиш тартиби тўғрисида”ги низомнинг 2-бандига 
кўра кўчмас мулкка бўлган мулк ҳуқуқи ва бошқа ашёвий ҳуқуқлар, 
бу ҳуқуқларнинг вужудга келиши, бошқа шахсга ўтиши, чекланиши 
ва бекор бўлиши, шунингдек улар билан боғлиқ битимлар давлат 
рўйхатидан ўтказилиши керак .
Шунингдек Ҳайъат “Жавоҳир” МЧЖнинг низоли олди-сотди 
шартномаси тузилган пайтда кўчмас мулкни беғараз топшириш 
шартномаси давлат рўйхатидан ўтказилмаганлиги, ушбу ҳолда 
кўчмас мулк “Жавоҳир” МЧЖга тегишли бўлганлиги ҳақидаги важи 
билан келишиб бўлмайди, деб ҳисоблаган .
Чунки туман “ер тузиш ва кўчмас мулк кадастри” ДУк томонидан 
2005 йил 5 январдаги 1-сонли шартнома 2014 йил 27 октябрда, 
2016 йил 10 сентябрдаги 4-сонли кўчмас мулкни олди-сотди 
шартно ма си 2013 йил 30 октябрда, туман ҳокимининг 2015 йил
11 майдаги 27-сонли қарори 2015 йил 30 июлда давлат рўйхатидан 
ўтказилган .
Қолаверса, Ўзбекистон Республикаси Олий хўжалик суди 
Пленумининг “Ўзбекистон Республикаси Фуқаролик кодексининг 

---