Cover page obzor iqtisodiy-last 7B. cdr

ИҚТИСОДИЙ ИШЛАР БЎЙИЧА 
СУД АМАЛИЁТИ
154
тақдим этганда ижара тўлови суммасини балансда сақловчига қола-
диган қисмидан камайтирилиши мумкинлиги белгиланган .
Шу боис Ҳайъат апелляция инстанцияси судининг қарорини 
бекор қилиб, ҳал қилув қарорини кучда қолдиришни лозим топган .
4.9. Кўчмас мулкни сотиб олувчидан олинган тўловлар 
суммаси кўчмас мулк баҳосининг учдан икки қисмидан 
ортиқ бўлган ҳолларда олди-сотди шартномасини бекор 
қилиш талаб этилмайди.
“Техника” МЧЖ ва “Сервис сайто” МЧЖ ўртасида 2016 йил 8 ок-
тябрда олди-сотди шартномаси тузилган бўлиб, унга кўра “Техника” 
МЧЖ ўзига тегишли бўлган Тошкент вилояти, Оҳангарон шаҳри, 
А .Хўжаев кўчаси, 39-уйда жойлашган, 11678,20 м .кв .м . майдондаги 
бино ва иншоотларини (бундан буён мисол матнида “кўчмас мулк” 
деб юритилади) 300 000 000 сўмга сотиш, “Сервис сайто” МЧЖ эса 
кўчмас мулкни 60 кун ичида бўлиб-бўлиб тўловни амалга оширган 
ҳолда сотиб олиш мажбуриятини олган .
“Сервис сайто” МЧЖ 2016 йилнинг 8 октябридан 8 декабрига 
қадар олди-сотди шартномасига асосан 170 000 000 сўмни “Техника” 
МЧЖнинг ҳисоб рақамига ўтказиб берган .
Шартноманинг 2 .2-бандига кўра 2016 йил 29 октябрда имзоланган 
топшириш-қабул қилиш далолатномасига асосан “Сервис сайто” 
МЧЖ “Техника” МЧЖдан кўчмас мулкни қабул қилиб олган .
Техника” МЧЖнинг қолган 30 000 000 сўм тўловни амалга ошириш, 
акс ҳолда шартномани бекор қилиш ва кўчмас мулкни қайтариш 
ҳақида судга мурожаат қилиши мумкинлиги ҳақидаги талабномасини 
“Сервис сайто” МЧЖ оқибатсиз қолдирган .
Шу сабабли “Техника” МЧЖ судга ариза билан мурожаат қилиб, 
“Техника” МЧЖ ва “Сервис сайто” МЧЖ ўртасида 2016 йил 8 октябрда 
тузилган олди-сотди шартномасини бекор қилишни сўраган .
Биринчи инстанция судининг 2017 йил 27 июлдаги ҳал қилув 
қарори билан ариза талаби қаноатлантирилган . “Техника” МЧЖ
ва “Сервис сайто” МЧЖ ўртасида 2016 йил 8 октябрда тузилган олди-

---