Cover page obzor iqtisodiy-last 7B. cdr

ИҚТИСОДИЙ ИШЛАР БЎЙИЧА 
СУД АМАЛИЁТИ
160
4.11. Ижара асосида фойдаланишда бўлган кўчмас мулк 
давлат ёки жамоат эҳтиёжлари учун олиб қўйилиши 
муносабати етказилган зарарни қоплаш мақсадида эгалик 
ҳуқуқи асосида бошқа шахсга берилган тақдирда ижарада 
фойдаланувчи кўчмас мулк ва унинг ҳудудини бўшатиб 
қўйиши керак.
“Давлат мулкини ижарага бериш маркази” ДУк, “Маърифат” 
МЧЖ ва Ўзбекистон Республикаси Мудофаа вазирлиги ўртасида 
2015 йил 28 майда 40-сонли шартнома тузилган бўлиб, унга 
кўра “Давлат мулкини ижарага бериш маркази” ДУк “Маърифат” 
МЧЖга Ўзбекистон Республикаси Мудофаа вазирлиги балансида 
бўлган Қашқадарё вилоя ти, Чироқчи тумани, Румий кўчаси, 2-уйда 
жойлашган бинони (бундан буён мисол матнда “кўчмас мулк” деб 
юритилади) бир йилдан кўп бўлмаган муддатга ижарага бериш, 
“Маърифат” МЧЖ эса ундан фойдаланганлиги учун ҳар ойда
400 000 сўм ижара ҳақи тўлаш мажбуриятини олган .
“Давлат мулкини ижарага бериш маркази” ДУк ижарага берилиши 
лозим бўлган бинони топшириш-қабул қилиш далолатномасига 
асосан “Маърифат” МЧЖга топширган .
Бироқ Ўзбекистон Республикаси Вазирлар Маҳкамасининг 
Фармойиши билан Ўзбекистон Республикаси Мудофаа вазирлиги 
балансидаги (иловага мувофиқ) ҳарбий шаҳарчаларнинг бино
ва иншоотлари тегишли ҳудуди билан биргаликда вилоят ҳокимлиги 
балансига бепул ўтказилган .
Фармойиш ижросини таъминлаш мақсадида 2015 йил 3 декабрда 
топшириш-қабул қилиш далолатномаси тузилиб, унга кўра кўчмас 
мулк Ўзбекистон Республикаси Мудофаа вазирлиги томонидан вилоят 
ҳокимлиги ҳузуридаги Бинолардан фойдаланиш департаменти 
балансига топширилган .
Фк 179-моддасининг биринчи қисмида белгиланишича давлат 
корхонаси ўзига бириктириб қўйилган мол-мулкни унинг мулк-
дорининг розилиги билангина бошқа шахсга беришга ёки уни 
бошқача усулда тасарруф этишга ҳақли .

---