Cover page obzor iqtisodiy-last 7B. cdr

ИҚТИСОДИЙ ИШЛАР БЎЙИЧА 
СУД АМАЛИЁТИ
148
фойдаланилиши ўрганилганда, “Тўқимачи текс” МЧЖ ижарага 
берилган бинодан бошқа мақсадларда фойдаланганлиги ва бунинг 
натижасида мулкдан фойдаланиш мақсадига мувофиқ белгиланган 
ставкаларга кўра ижара тўлови тўланмаганлиги аниқланган .
“Давлат мулкини ижарага бериш маркази” ДУкнинг ҳисоб-
китобига кўра мулкдан бошқа мақсадларда фойдаланганлиги 
натижасида 10 000 000 сўм ижара тўлови тўланмасдан қолган .
Шу сабабли “Давлат мулкини ижарага бериш маркази” ДУк судга 
даъво аризаси билан мурожаат қилиб, Ўзбекистон Республикаси 
Вазирлар Маҳкамасининг “Давлат мулкини ижарага бериш тарти-
бини такомиллаштириш чора-тадбирлари тўғрисида” 2009 йил 
8 апрел даги 102-сонли қарорига асосан Ион-плазма ва лазер 
технологиялари институтидан ижара тўловини икки баравари 
миқдори, яъни 26 000 000 сўм ундиришни сўраган .
Биринчи инстанция судининг 2017 йил 2 апрелдаги ҳал қилув 
қарори билан даъво талаби қаноатлантирилган .
Бироқ Ўзбекистон Республикаси Вазирлар Маҳкамасининг 
“Давлат мулкини ижарага бериш тартибини такомиллаштириш чора-
тадбирлари тўғрисида” 2009 йил 8 апрелдаги 102-сонли қарори 
6-бандининг иккинчи ва учинчи хатбошиларига кўра давлат мулкини 
ижара шартномаси тузмасдан ижарага бериш, ижара шартномасида 
ижарага берилган мулкнинг параметрлари ва сони атайлаб нотўғри 
қайд этилганлиги, бунинг натижаси ижара тўловининг яширилишига 
олиб келганлиги ҳолати аниқланган тақдирда марказ бузилиш 
аниқланган санадан бошлаб уч иш куни мобайнида, белгиланган 
тартибда давлат мулкидан фойдаланганлик даври учун ижара 
тўловини икки баравар миқдорда ҳисоблаб чиқади ва уни ундириш 
учун тегишли ҳужжатларни балансида сақловчига тақдим этади .
Ҳисоблаб ёзилган тўлов суммаси балансида сақловчи томонидан 
тўланмаган тақдирда давлат мулки жойлашган жойдаги марказ 
ҳужжатлар балансида сақловчига тақдим этилган санадан бошлаб 
ўн иш куни ўтгач, ҳисоблаб ёзилган тўлов суммасини белгиланган 
тартибда ундириш учун материалларни судга топширади .
“Давлат мулкини ижарага бериш маркази” ДУк ўз даъво талабини 
асослашда “Тўқимачи текс” МЧЖ ижарага берилган мулклардан 

---