Cover page obzor iqtisodiy-last 7B. cdr

ИҚТИСОДИЙ ИШЛАР БЎЙИЧА 
СУД АМАЛИЁТИ
144
бўлиб, унга кўра “Мурувват” МЧЖ навоий вилояти, Учқудуқ
тумани, Зарафшон кўчаси, 37-уйда жойлашган умумий майдони
20 кв .м .дан иборат бўлган бинони “Тўқимачи текс” МЧЖга ҳар ойда 
250 000 сўм ижара ҳақи тўлаш шарти билан вақтинча эгалик қилиш ва 
фойдаланиш учун ижарага бериш, “Тўқимачи текс” МЧЖ эса ижара 
ҳақини ўз вақтида тўлаш мажбуриятини олган .
“Мурувват” МЧЖ ижарага берилиши лозим бўлган бинони 
топшириш-қабул қилиш далолатномасига асосан “Тўқимачи текс” 
МЧЖга топширган .
Бироқ “Тўқимачи текс” МЧЖ ижара шартномасида белгиланган 
мажбуриятларни ўз вақтида бажармаган, ижара тўловини ҳар ойда 
амалга оширмаган .
Шу сабабли “Мурувват” МЧЖ судга ариза билан мурожаат 
қилиб, “Мурувват” МЧЖ ва “Тўқимачи текс” МЧЖ ўртасида тузилган
2016 йил 16 июндаги 30-сонли ижара шартномасини муддатидан 
олдин бекор килишни сўраган .
Биринчи инстанция судининг 2017 йил 10 январдаги ҳал қилув 
қарори билан ариза талаби қаноатлантирилган . “Мурувват” МЧЖ 
ва “Тўқимачи текс” МЧЖ ўртасида тузилган 2016 йил 16 июндаги 
30-сонли ижара шартномаси муддатидан олдин бекор килинган . 
Суд ариза талабини қаноатлантиришда “Мурувват” МЧЖ 
томонидан ижара шартномасини муддатидан олдин бекор қилиш 
ҳақидаги талабни судга тақдим этишдан олдин “Тўқимачи текс” 
МЧЖга шартномада белгиланган мажбуриятларни ўз вақтида 
бажариш, жумладан ижара тўловларини ўз вақтида тўлаш ҳақида 
ёзма огоҳлантириш юбормаганлигини эътиборидан четда қолдирган .
Ваҳоланки, Фк 551-моддасининг учинчи қисмида белгиланишича 
ижарага берувчи ижарага олувчини ёзма равишда огоҳлантирга-
нидан ва унга ўз мажбуриятларини бажариш учун имконият 
берганидан кейингина шартнома муддатидан олдин бекор қили-
нишини талаб қилишга ҳақли .
Ўзбекистон Республикаси Олий хўжалик суди Пленумининг 
“Мулк ижараси шартномаси тўғрисидаги фуқаролик қонун ҳужжат-
ларини қўллашнинг айрим масалалари ҳақида” 2011 йил 1 декабр-
даги 234-сонли қарори 11 .1-бандининг биринчи хатбошида, агар 

---