Чет тил бўйича миллий сертификат олиш янада қулайлаштирилди

Чет тил бўйича миллий сертификат олиш янада қулайлаштирилди

Давлат хизматларини кўрсатиш инфратузилмасини такомиллаштириш ва аҳолининг давлат хизматларидан фойдаланиш имкониятларини кенгайтириш мақсадида, 2022 йил 1 мартдан бошлаб, чет тилини билиш даражасини аниқлаш, малака сертификати ёки маълумотнома олиш учун ўтказиладиган имтиҳонларда қатнашиш бўйича мурожаатларни қабул қилиш Ўзбекистон Республикаси Ягона интерактив давлат хизматлари партали (ЯИДХП) орқали электрон тарзда амалга оширилиши белгиланди.

Имтиҳонда иштирок этувчи талабгорлардан 3,5 х 4,5 см ўлчамдаги фотосурат, тўловни амалга оширганлик тўғрисидаги тўлов чеки нусхаси талаб этилиши бекор қилинди. Шу билан бир қаторда талабгор имтиҳон ўтказиладиган санаси ва имтиҳон топшириш худуддини мустақил танлаш каби қулайликлар яратилди. Тест синови натижаларини эълон қилиш муддати уч ҳафтадан бир ҳафтагача қисқартирилиб, малака сертификати ёки маълумотномага QR-код қўйилган ҳолада ЯИДХП орқали тест синови натижалари эълон қилинган кундан бошлаб бир иш куни мобайнида таъабгорга (электрон нусхаси) юборилади.
2022 йил 1 мартидан бошлаб инглиз тили бўйича малака сертификати учун кўп даражали (Multi-level) формат жорий қилинади, 2022 йилнинг
1 ноябридан бошлаб эса немис, француз ва араб тиллари учун ҳам кўп даражали формат қўлланилади.
Кўп даражали (Multi-level) формат, содда қилиб айтганда, имтиҳонларда талабгорларга A2 даражасидаги мураккабликдаги саволлардан тортиб C1 даражасидаги мураккабликдаги саволлар қўлланилади. Талабгор имтиҳон натижаларига кўра қайси (A2, B1, B2, ёки C1) даражадаги натижага эришса унинг сертификатда эришган натижаси (A2, B1, B2, ёки C1) акс эттирилган бўлади.
Шунингдек, имтихонлар “тинглаб тушуниш”, “ўқиш”, “ёзма иш” ва “гапириш” бўлимларидан иборат бўлади. “Лексик ва грамматик компетенциялар” бўлими олиб ташланиб унда қўлланиладиган саволлар “тинглаб тушуниш”, “ўқиш”, “ёзма иш” ва “гапириш” бўлимларига сингдириб юборилади.


ДТМнинг Андижон вилояти
бўлими бош мутахассиси: Э.Юлдашев