Cover page obzor iqtisodiy-last 7B. cdr

4-боб. Кўчмас мулК олди-сотдиси ва ижараси шартномалари
билан боғлиқ ишлар бўйича суд амалиёти
149
бошқа мақсадларда фойдаланганлиги ва бунинг натижасида мулкдан 
фойдаланиш мақсадига мувофиқ белгиланган ставкаларга кўра 
ижара тўлови тўланмаганлигини важ қилиб кўрсатган .
Ҳайъат “Давлат мулкини ижарага бериш маркази” ДУкнинг 
мазкур важини инобатга олмаган . Чунки муайян мақсадларда 
берилган ижара объектидан бошқа мақсадларда фойдаланганлик 
ижарага берилган давлат мулкининг параметрлари нотўғри қайд 
этганлик деб ҳисобланмайди ҳамда балансда сақловчига нисбатан 
ижарага берилган давлат мулкининг параметрлари нотўғри қайд 
этганлик учун ижара тўловининг икки баравари миқдорда ундириш 
учун асос бўлмайди .
Шу боис Ҳайъат ҳал қилув қарори бекор қилиб, даъво талабини 
қаноатлантиришни рад этишни лозим топган .
4.7. Номуайян муддатга тузилган бино ва иншоотни ижарага 
бериш шартномасини давлат рўйхатидан ўтказиш талаб 
қилинмайди. бироқ бир йилдан кам муддатга тузилган 
бино ва иншоотни ижарага бериш шартномаси бўйича 
тарафларнинг ҳуқуқий муносабатлари бир йилдан ортиқ 
муддатда давом этса, бундай шартнома давлат рўйхатидан 
ўтказилиши шарт.
“Тола” МЧЖ ва “Бест” МЧЖ ўртасида 2013 йил 23 ноябрда
60-сонли кўчмас мулк ижараси шартномаси тузилган бўлиб, унга 
кўра “Тола” МЧЖ “Бест” МЧЖга Жиззах вилояти, Фориш тумани, 
А .Югнакий кўчасида жойлашган бинони ижарага бериш, “Бест” 
МЧЖ эса ундан фойда ланганлиги учун ҳар ойда ижара ҳақи тўлаш 
мажбуриятини олган .
“Тола” МЧЖ ижарага берилиши лозим бўлган бинони топшириш-
қабул қилиш далолатномасига асосан “Бест” МЧЖга топширган .
Бироқ “Бест” МЧЖ 20015 йилнинг февраль-август ойлари учун 
ижара тўловларини амалга оширмаганлиги натижасида, унинг ушбу 
давр учун ижара ҳақидан қарздорлиги 65 000 000 сўмни ташкил этган .

---