Cover page obzor iqtisodiy-last 7B. cdr

ИҚТИСОДИЙ ИШЛАР БЎЙИЧА 
СУД АМАЛИЁТИ
102
“Лада” МЧЖ таъсисчиси А .Шукуров томонидан кафиллик 
шартномаси тузилаётган пайтда “Хизмат” МЧЖ ва “Ўзбеклизинг” 
лизинг компанияси мансабдор шахсининг мазкур шартномани 
тузишга ваколатларида чеклашларни билганлиги ва олдиндан 
билиши лозим бўлганлиги далиллар асосида исботлаб берилмаган .
Бироқ биринчи инстанция суди кафил томонидан тўлов кафиллик 
шартномаси мажбуриятларидан келиб чиққан ҳолда ихтиёрий амалга 
оширилганлигини инобатга олмасдан, аризани қаноатлантириш 
ҳақида нотўғри хулосага келган .
Шу боис Ҳайъат ҳал қилув қарорини бекор қилиб, аризани 
қаноатлантиришни рад этиш ҳақида янги қарор қабул қилишни 
лозим топган .
3.11. суғурталовчига суғурта қопламасини тўлаб бериш 
ҳақидаги талаб фақатгина бошқа таъминот турлари тўлиқ 
ўзлаштирилгандан кейингина амалга оширилади
“Қишлоқ қурилиш банк” АТБ ва “Сарвар-С” АЖ ўртасида 2014 йил
8 октябрда 111-сонли кредит шартномаси тузилган бўлиб, унга 
кўра “Қишлоқ қурилиш банк” АТБ “Сарвар-С” АЖга 18 фоиз тўлаш 
шарти билан 12 ой муддатга цемент маҳсулоти сотиб олиши учун
110 000 000 сўм кредит ажратиш, “Сарвар-С” АЖ эса олинган кредитдан 
фойдаланиб, кредит ва унга ҳисобланган фоизларни шартномага 
илова қилинган график асосида қайтариш мажбуриятини олган .
кредит қайтарилишининг таъминоти сифатида “Қишлоқ қурилиш 
банк” АТБ, “Сарвар-С” АЖ ва “Лола” МЧЖ ўртасида 2014 йил
9 октябрда тузилган кафиллик шартномасига асосан “Лола” МЧЖ 
томонидан 130 000 000 сўмга кафиллик берилган .
Шунингдек, “Қишлоқ қурилиш банк” АТБ, “Сарвар-С” АЖ ва “ка-
фо лат” суғурта компанияси ўртасида 2014 йил 4 ноябрда суғурта 
шартномаси тузилган бўлиб, унга кўра “кафолат” суғурта компанияси 
томонидан 130 000 000 сўмга суғурта полиси берилган .
“Сарвар-С” АЖ шартнома мажбуриятларини тўлиқ бажар-
маганлиги, кредит ва унга ҳисобланган фоиз тўловларини ўз вақти-

---