Cover page obzor iqtisodiy-last 7B. cdr

3-боб. Кредит, гаров (ипотеКа), лизинг ва суғурта шартномалари
билан боғлиқ ишлар бўйича суд амалиёти
105
асосий карзи 80 000 000 сўмни, кредит фоизидан қарздорлиги эса 
10 000 000 сўмни ташкил этган .
“Юлдуз” МЧЖ кредит шартномасида белгиланган муддатда 
кредит суммасини қайтармаганлиги сабабли “Ҳамкор банк” 
АТБ судга даъво аризаси билан мурожаат қилиб “Юлдуз” МЧЖ, 
“Сардор-С” фермер хўжалиги ва “Зарафшон” суғурта компания-
сидан 80 000 000 сўм асосий қарз ва 10 000 000 сўм фоизни 
ундиришни сўраган .
Биринчи инстанция судининг 2017 йил 5 январдаги ҳал қилув 
қарори билан даъво талаблари тўлиқ қаноатлантирилган .
Суд томонидан даъво талабини “Зарафшон” суғурта компанияси 
ҳисобидан қаноатлантиришда, суғурта шартномаси бўйича кредит 
маблағларини қайтармаслик хавфи суғурталанганлиги, суғурта 
ҳодисаси юз берганлиги исботланмаганлиги, “Юлдуз” МЧЖ томонидан 
кредит суммаси тўлаб берилмаганлиги натижасида “Ҳамкор банк” 
АТБ зарар кўрмаганлиги, қолаверса, кредит шартномаси бўйича 
қарздорлик “Юлдуз” МЧЖ ва кафиллик шартномасига асосан 
“Сардор-С” фермер хўжалиги ҳисобидан қопланиши мумкинлиги 
инобатга олинмаган .
Ваҳоланки, Фк 234-моддасининг иккинчи қисмига мувофиқ 
мажбуриятлар шартномадан, зиён етказиш натижасида ҳамда ушбу 
кодексда кўрсатилган бошқа асослардан келиб чиқади .
Фк 915-моддасининг биринчи қисмига мувофиқ мулкий суғурта 
шартномасига мувофиқ бир тараф (суғурталовчи) шартномада 
шартлашилган ҳақ (суғурта мукофоти) эвазига шартномада назарда 
тутилган воқеа (суғурта ҳодисаси) содир бўлганда бошқа тарафга 
(суғурта қилдирувчига) ёки шартнома қайси шахснинг фойдасига 
тузилган бўлса, ўша шахсга (наф олувчига) бу ҳодиса оқибатида 
суғурталанган мулкка етказилган зарарни ёхуд суғурталанувчининг 
бошқа мулкий манфаатлари билан боғлиқ зарарни шартномада 
белгиланган сумма (суғурта пули) доирасида тўлаш (суғурта товони 
тўлаш) мажбуриятини олади .
Суғурта шартномасининг 7 .1 .4-бандида кредит шартномасини 
бузганлик учун суғурта қилдирувчи (қарз олувчи)нинг жавобгарлик 
хавфи суғурта қилиниши ва қарз олувчи томонидан кредит 

---