Cover page obzor iqtisodiy-last 7B. cdr

3-боб. Кредит, гаров (ипотеКа), лизинг ва суғурта шартномалари
билан боғлиқ ишлар бўйича суд амалиёти
91
2017 йил 5 январь ҳолатига муддати ўтган асосий кредит қарздорлиги 
40 000 000 сўмни, унга ҳисобланган кредит фоизи эса 13 232 000 сўмни 
ташкил этганлиги, ушбу ҳолат “Жамғармабанк” АТБнинг 2017 йил
4 майдаги 03-06/189-сонли маълумотномаси билан ҳам ўз тасдиғини 
топганлигини инобатга олиб, ҳал қилув қарорини ўзгаришсиз 
қолдиришни лозим топган .
3.7. қарздор кафиллик билан таъминланган мажбуриятни 
бажармаган ёки лозим даражада бажармаган тақдирда 
кафил ва қарздор кредитор олдида солидар жавоб 
берадилар, башарти қонунда ёки кафиллик шартномасида 
кафилнинг субсидиар жавобгар бўлиши назарда
тутилган бўлмаса.
“Ҳамкор банк” АТБ ва “Саховат” хусусий фирмаси ўртасида
2014 йил 18 мартда 52-сонли кредит шартномаси тузилган бўлиб, 
унга кўра “Ҳамкор банк” АТБ “Саховат” хусусий фирмасига 12 фоиз 
тўлаш шарти билан 36 ой муддатга қишлоқ хўжалиги техникалари 
сотиб олиши учун 1 000 000 000 сўм кредит ажратиш, “Саховат” 
хусусий фирмаси эса олинган кредитдан фойдаланиб, кредит ва унга 
ҳисобланган фоизларни шартномага илова қилинган график асосида 
қайтариш мажбуриятини олган .
кредит қайтарилишининг таъминоти сифатида “Ҳамкор банк” АТБ, 
“Саховат” хусусий фирмаси ва “Улуғбек” хусусий корхонаси ўртасида
2014 йил 20 мартда тузилган кафиллик шартномасига асосан “Улуғбек” 
хусусий корхонаси томонидан 1 000 000 000 сўмга кафиллик берилган .
кредит шартномасида “Саховат” хусусий фирмаси олинган кредит 
суммаси ва унга ҳисобланган фоизларни ойма-ой тўлов жадвали 
асосида тўлаб бориш мажбуриятини олган . Бироқ тўловни ўз вақтида 
амалга оширмаган .
“Саховат” хусусий фирмаси кредит ва унинг фоизларини ўз вақтида 
қайтармаганлиги учун унинг “Ҳамкор банк” АТБдан 600 000 000 сўм 
кредитва 64 000 000 сўм фоиз бўйича қарздорлиги вужудга келган .

---