Cover page obzor iqtisodiy-last 7B. cdr

ИҚТИСОДИЙ ИШЛАР БЎЙИЧА 
СУД АМАЛИЁТИ
94
“Чори бобо” хусусий фирмасининг “Ипотека банк” АТИБ олдидаги 
қарзини қоплаш учун “Қамаши” МЧЖга тегишли бўлган ушбу бино
ва иншоотлар Суд ижрочиларининг шаҳар бўлими томонидан биржа 
савдоларига чиқарилган . 
Биржа савдоларида сотилмаганлиги сабабли қайтарилган ушбу 
бино ва иншоотлар Суд ижрочиларининг шаҳар бўлими томонидан 
ундирувчи “Ипотека банк” АТИБга таклиф қилинган . 
“Ипотека банк” АТИБнинг 2014 йил 16 июлдаги розилик 
хатига асосан бино ва иншоотлар “Ипотека банк” АТИБ балансига 
топширилган, шу муносабат билан ижро иш юритуви тамомланган . 
Шаҳар “ер тузиш ва кўчмас мулк кадастри” ДУк томонидан мазкур 
бино ва иншоотларга 2014 йил 14 августда “Ипотека банк” АТИБ 
номига кадастр хужжатлари тайёрланган ва 2014 йил 24 августда 
042545-сонли гувоҳнома берилган .
“Ипотека тўғрисида”ги Ўзбекистон Республикаси Қонунининг 
11-моддасига мувофиқ ипотекага қўювчи ипотека тўғрисида 
шартнома тузилаётганда ипотека давлат рўйхатидан ўтказилаётган 
пайтда ўзига маълум бўлган учинчи шахсларнинг ипотека нарсасига 
бўлган барча ҳуқуқлари (гаров, мерос қилиб қолдириладиган ер 
участкасига умрбод эгалик қилиш, ижара ҳуқуқлари, сервитутлар 
ва бошқа ҳуқуқлар) ҳақида ипотекага олувчини ёзма шаклда 
огоҳлантириши шарт . Бу мажбуриятнинг бажарилмаслиги ипотекага 
олувчига ипотека билан таъминланган мажбуриятнинг муддатидан 
олдин бажарилишини ёки ипотека тўғрисидаги шартнома шартлари 
ўзгартирилишини талаб қилиш ҳуқуқини беради .
Бироқ мазкур бино ва иншоотлар “Ипотека банк” АТИБ номига 
расмийлаштирилган бир пайтда бу ҳақда навбатдаги гаровга олувчи 
“Туронбанк” АТБга маълум қилинмасдан, “Қамаши” МЧЖ томонидан 
“Туронбанк” АТБдан олинган 15 000 000 сўм кредит қайтарилишининг 
таъминоти сифатида 2014 йил 10 сентябрдаги ипотека шартномасига 
асосан гаровга қўйилган . Ушбу шартнома шаҳар давлат нотариал 
идорасида 4-007-сон билан реестрга киритилган .
Шу сабабли аризачи “Ипотека банк” АТИБ жавобгарлар “Қамаши” 
МЧЖ, вилоят Адлия бошқармаси (шаҳар давлат нотариал идораси), 
Шаҳар “ер тузиш ва кўчмас мулк кадастри” ДУк ва “Туронбанк” АТБга 

---