Cover page obzor iqtisodiy-last 7B. cdr

ИҚТИСОДИЙ ИШЛАР БЎЙИЧА 
СУД АМАЛИЁТИ
62
кассация инстанцияси судининг 2017 йил 11 июндаги қарори 
билан суд қарорлари бекор қилиниб, янги қарор қабул қилинган . 
“Табобат” илмий ўқув ишлаб чиқариш тиббиёт маркази зиммасига 
ўзгалар ер майдонидан ноқонуний қурилган 54,6 кв .м . узунликдаги 
деворни ва қўшимча қурилган биноларни бузиш мажбурияти 
юкланган, “Табобат” илмий ўқув ишлаб чиқариш тиббиёт марказига 
ерга эгалик ҳуқуқини берувчи OY серияли 140542-рақамли 
гувоҳнома ҳақиқий эмас деб топилган . “китоб” ўқув ишлаб чиқариш 
корхонасининг 1 500,80 кв .м . ер майдонини қайтариш ва келгусида 
ушбу ер майдонидан “китоб” ўқув ишлаб чиқариш корхонасининг 
фойдаланиши учун тўсқинлик қилмаслик мажбуриятини юклаш 
талабини қаноатлантириш рад этилган . кадастр ҳужжатларини 
ҳақиқий эмас деб топиш талаби бўйича иш юритиш тугатилган .
Ҳайъат “китоб” ўқув ишлаб чиқариш корхонасининг 1 500,80 кв .м . 
ер майдонини қайтариш ва келгусида ушбу ер майдонидан “китоб” 
ўқув ишлаб чиқариш корхонасининг фойдаланиши учун тўсқинлик 
қилмаслик мажбуриятини юклаш талабини қаноатлантиришни 
рад этиши учун 2002 йил 19 январда тузилган 6-сонли олди-сотди 
шартномасида қурилиш ости ер майдони 948,6 кв .м . бўлган бино-
иншоотлар сотилиши кўрсатилган бўлса-да, Фкнинг 482-моддаси 
талабларига зид равишда кўчмас мулкдан фойдаланиш учун 
зарур бўлган ер участкасининг муайян қисми “китоб” ўқув ишлаб 
чиқариш корхонаси томонидан “Табобат” илмий ўқув ишлаб 
чиқариш тиббиёт марказига топшириши кўрсатилмаганлиги, 
“Табобат” илмий ўқув ишлаб чиқариш тиббиёт марказига у сотиб 
олган кўчмас мулкдан фойдаланиш имкони бўлиши учун “китоб” 
ўқув ишлаб чиқариш корхонаси кўчмас мулкдан фойдаланиш учун 
зарур бўлган ер участкасининг муайян қисмини топширмаганлиги 
асос бўлган .
Чунки Фк 482-моддасининг биринчи қисмига мувофиқ бино, 
иншоот ёки бошқа кўчмас мулкни сотиш шартномасига биноан сотиб 
олувчига бундай кўчмас мулкка эгалик ҳуқуқини топшириш билан 
бир вақтда ушбу кўчмас мулк жойлашган ва ундан фойдаланиш учун 
зарур бўлган ер участкасининг муайян қисмига бўлган ҳуқуқлар ҳам 
топширилади .

---