Cover page obzor iqtisodiy-last 7B. cdr

2-боб. Олди-сОтди, маҳсулОт етказиб бериш ва кОнтрактация
шартнОмалари билан бОғлиқ ишлар бўйича суд амалиёти
65
Фк 402-моддасининг биринчи ва учинчи қисмларига мувофиқ 
сотувчи сотиб олувчига сифати олди-сотди шартномасига мос 
келадиган товарни топшириши шарт . Агар сотиб олувчи шартнома 
тузиш пайтида сотувчига товарни қандай аниқ мақсадлар учун 
сотиб олаётганини хабар қилган бўлса, сотувчи сотиб олувчига ушбу 
мақсадларда фойдаланиш учун яроқли бўлган товарни топшириши 
шарт .
Фк 407-моддасининг иккинчи ва тўртинчи қисмларига мувофиқ 
давлат стандартларида, стандартлаштириш бўйича бошқа норматив 
ҳужжатларда товарнинг сифатини текширишга нисбатан мажбурий 
талаблар белгиланган ҳолларда сифат улардаги кўрсатмаларга 
мувофиқ равишда текширилиши лозим . Агар қонун ҳужжатларида, 
шу жумладан, давлат стандартларида ёки олди-сотди шартномасида 
сотувчининг сотиб олувчига топшириладиган товар сифатини 
текшириш (синаш, таҳлил қилиш, кўздан кечириш ва ҳоказо) 
мажбурияти назарда тутилган бўлса, сотиб олувчининг талаби билан 
сотувчи унга товар сифати текширилганлигининг исботини тақдим 
қилиши лозим .
Қолаверса, “Маҳсулотлар ва хизматларни сертификатлаштириш 
тўғрисида”ги Ўзбекистон Республикаси Қонунининг 12-моддасининг 
биринчи қисмига мувофиқ мажбурий сертификатлаштирилиши 
лозим бўлган маҳсулотлар сертификатлаштиришга тақдим этилмаган 
бўлса Ўзбекистон Республикаси ҳудудида реализация қилиниши 
мумкин эмас . 
Шу боис Ҳайъат “Таъминот” хусусий корхонаси томонидан 
“Мўъжиза” МЧЖга қайд этилган қонун талабларига асосан 
тақдим этилиши лозим бўлган маҳсулотнинг техник паспорти, 
сифат сертификати, фойдаланиш бўйича йўриқномалари тақдим 
этилмаганлигини инобатга олиб, ҳал қилув қарорини ўзгаришсиз 
қолдиришни лозим топган .

---