Cover page obzor iqtisodiy-last 7B. cdr

ИҚТИСОДИЙ ИШЛАР БЎЙИЧА 
СУД АМАЛИЁТИ
230
даъво аризаси билан мурожаат қилиб, акциядорларнинг умумий 
йиғилиши муҳокамасига киритилган масалаларда акциядорлар 
А .Валиев, В .Соҳибов ва Б .каримовларга “ёқлайман” деб овоз бериш 
ҳақида мажбурият юклашни сўраган .
Биринчи инстанция судининг 2016 йил 15 январдаги ҳал қилув 
қарори билан даъво талабини қаноатлантириш рад этилган .
Чунки “Акциядорлик жамиятлари ва акциядорларнинг ҳуқуқ-
ларини ҳимоя қилиш тўғрисида”ги Ўзбекистон Республикаси Қону-
ни 26-моддаси биринчи қисмининг бешинчи хатбошисига кўра 
акциядорлар акциядорларнинг умумий йиғилишларида овоз бериш 
орқали жамиятни бошқаришда иштирок этиш ҳуқуқига эга .
Мазкур Қонуннинг 27-моддасига мувофиқ оддий акцияларнинг 
эгалари бўлган акциядорлар ушбу Қонунга ва жамият уставига 
мувофиқ акциядорларнинг умумий йиғилишида мазкур йиғилиш 
ваколатига кирадиган барча масалалар бўйича овоз бериш ҳуқуқи 
билан иштирок этиши мумкин .
АЖ уставининг 10-бандига мувофиқ акциядор акциядорларнинг 
умумий йиғилишларида овоз бериш орқали жамиятни бошқаришда 
иштирок этиш ҳуқуқига эга . 
Демак акциядор жамиятни бошқаришда ўз хоҳишига кўра 
иштирок этишга ҳақли бўлиб, уни акциядорларнинг умумий йиғилиши 
кун тартибидаги масалалар бўйича “ёқлайман” деб овоз беришга 
мажбурлаш унинг ҳуқуқ ва манфаатларини бузади .
Шу боис Ҳайъат ҳал қилув қарорини ўзгаришсиз қолдиришни 
лозим топган .
6.15. АЖнинг умумий йиғилиши кун тартибига киритилган 
масала бўйича акциядорнинг қарши овоз берганлиги, ушбу 
акциядордан йиғилиш ўтказиш учун кетган харажатларни 
зарар сифатида ундириш учун асос бўлмайди.
“Анора” АЖнинг (бундан буён мисол матнида ”АЖ” деб юритилади) 
2013 йил 17 февралрда рўйхатдан ўтган уставига кўра АЖнинг устав 

---