Cover page obzor iqtisodiy-last 7B. cdr

ИҚТИСОДИЙ ИШЛАР БЎЙИЧА 
СУД АМАЛИЁТИ
226
юритишга қабул қилиш масаласи ҳам худди шу тартибда ҳал этилиши 
ҳақида тушунтириш берилган .
Шу боис Ҳайъат ҳал қилув қарорининг М .Муталовга нисбатан 
иш юритишни тугатиш қисмини МЧЖ иштирокчиларнинг 2015 йил 
10 ноябрдаги 14-сонли қарори М .Муталов томонидан имзоланган 
бўлса-да, МЧЖ иштирокчилари умумий йиғилиши номидан қабул 
қилинганлиги, қарорни ҳақиқий эмас деб топиш тўғрисидаги даъво 
ҳам иштирокчига эмас, балки МЧЖга нисбатан киритилганлигини 
инобатга олиб бекор қилишни, ҳал қилув қарорининг қолган қисмини 
ўзгаришсиз қолдиришни лозим топган .
6.13. МчЖ иштирокчилари ва МчЖ ўртасидаги тақсимланган 
фойда суммаси ва уни вақтида тўламаганлиги учун неустойка 
ундириш тўғрисидаги низони ҳал этишда “Акциядорлик 
жамиятлари ва акциядорларнинг ҳуқуқларини ҳимоя қилиш 
тўғрисида”ги ўзбекистон Республикаси қонуни нормалари 
қўлланилмайди.
2013 йил 15 декабрда “Мега текс” МЧЖ, “Техника-С” АЖ ва 
фуқаро Адилов Шоҳруҳбек неъматович томонидан “Шамол” МЧЖ 
(бундан буён мисол матнида ”МЧЖ” деб юритилади) ташкил этилган 
бўлиб, МЧЖнинг таъсис ҳужжатлари туман ҳокимлиги ҳузуридаги 
тадбиркорлик субъектларини рўйхатга олиш Инспекцияси (бундан 
буён мисол матнида ”Инспекция” деб юритилади) томонидан
2014 йил 11 январда рўйхатга олинган ва бу ҳақда МЧЖга гувоҳ-
нома берилган .
Таъсис ҳужжатларига кўра МЧЖнинг устав фонди 20 000 000 сўм 
миқдорида белгиланиб, унда “Мега текс” МЧЖ 10 000 000 сўм ёки 
50 фоиз, “Техника-С” АЖ 5 000 000 сўм ёки 25 фоиз, Ш .Адилов 
5 000 000 сўм ёки 25 фоиз улушга эга бўлган .
МЧЖ иштирокчиларининг 2014, 2015 ва 2016 йилларда бўлиб 
ўтган умумий йиғилишларида МЧЖнинг 2014-2016 йиллардаги 
молиявий натижалари якуни кўриб чиқилиб, МЧЖ томонидан 

---