Cover page obzor iqtisodiy-last 7B. cdr

4-боб. Кўчмас мулК олди-сотдиси ва ижараси шартномалари
билан боғлиқ ишлар бўйича суд амалиёти
137
“кўчмас мулк савдо хизмати” МЧЖ томонидан 2016 йил
26 октябрь куни соат 15-00да бошланғич баҳоси юқорилаб борувчи 
очиқ аукцион савдосига “нурли ҳаёт” МЧЖга тегишли бўлган кўчмас 
мулк қўйилганлиги, кўчмас мулкнинг бошланғич сотув баҳоси 
62 00 000 сўмни ташкил этиши тўғрисида 2016 йил 24 сентябрда 
вилоят газеталарида эълон берилган .
2016 йил 26 октябрь куни ўтказилган очиқ аукцион савдоси бўйича 
тузилган 13-сонли баённомада қайд этилишича, якка тартибдаги 
тадбиркор Халилов Мурод Азизович аукцион ғолиби деб топилиб, 
кўчмас мулк унга 68 975 000 сўмга сотилган .
кўчмас мулкни аукцион савдоси қонунда белгиланган қоидалар 
бузиб ўтказилганлиги, яъни аукцион савдоси ўтказилиши ҳақида 
хабарнома республика миқиёсидаги оммавий ахборот воситаларида 
берилмаганлиги сабабли “нурли ҳаёт” МЧЖ “кўчмас мулк савдо 
хизмати” МЧЖ ва Мажбурий ижро бўлимига нисбатан судга ариза 
билан мурожаат қилиб, 2016 йил 26 октябрь куни ўтказилган очиқ 
аукцион савдосини ҳақиқий эмас деб топишни сўраган .
Биринчи инстанция судининг 2017 йил 12 апрелдаги хал килув 
карори билан ариза талаби қаноатлантирилган . 2016 йил 26 октябрь 
куни “кўчмас мулк савдо хизмати” МЧЖда ўтказилган очиқ аукцион 
савдоси ҳақиқий эмас деб топилган .
Суд ариза талабини қаноатлантиришда аукцион савдоси қонунда 
белгиланган қоидалар бузиб ўтказилганлиги, яъни аукцион савдоси 
ўтказилиши ҳақида хабарнома республика миқиёсидаги оммавий 
ахборот воситаларида берилмаганлигига асосланиб, нотўғри 
хулосага келган .
Чунки Ўзбекистон Республикаси Президентининг “Ўзбекистон 
Республикаси Адлия вазирлиги ҳузуридаги Суд қарорларини ижро 
этиш . судлар фаолиятини моддий-техника жиҳатидан ва молиявий 
таъминлаш департаменти фаолиятини янада такомиллаштириш 
чора-тадбирлари туғрисида” 2006 йил 31 августдаги ПҚ-458-сонли 
Қарори билан тасдиқланган “Суд ҳужжатлари ва бошка органлар 
ҳужжатларини ижро этиш жараёнида автомототранспорт воситалари 
ва кўчмас мулкни сотиш тартиби тўғрисида”ги низом 5-бандининг 
учинчи хатбошисига мувофиқ ундирувни қарздорнинг мол-мулкига 

---