Cover page obzor iqtisodiy-last 7B. cdr

ИҚТИСОДИЙ ИШЛАР БЎЙИЧА 
СУД АМАЛИЁТИ
132
3.25. суднинг ҳал қилув қарори билан тарафлар ўртасида 
тузилган лизинг шартномалари бекор қилинганда 
бекор қилинган шартномалар бўйича тарафларнинг 
мажбуриятлари сақланиб қолиши ҳақидаги келишув битими 
ноқонуний ҳисобланади ва у тасдиқланмайди.
“Агро лизинг” лизинг компанияси ва “Мурод бобо” фермер 
хўжалиги ўртасида 2014 йил 22 декабрда лизинг шартномаси тузилган 
бўлиб, унга кўра “Агро лизинг” лизинг компанияси “ТТЗ-80 .11” 
русумли тракторни лизинг шартларида ҳақ эвазига эгалик қилиш 
ҳамда фойдаланиш учун келгусида сотиб олиш ҳуқуқи билан “Мурод 
бобо” фермер хўжалигига бериш, “Мурод бобо” фермер хўжалиги 
эса “ТТЗ-80 .11” русумли тракторни қабул қилиб олиш, шартномада 
белгиланган муддатларда ва миқдорда лизинг тўловларини амалга 
ошириш мажбуриятини олган . 
Шартнома шартларига асосан “Агро лизинг” лизинг компанияси 
томонидан қабул қилиш ва топшириш далолатномаси асосида 
“ТТЗ-80 .11” русумли трактор“ Мурод бобо” фермер хўжалигига 
топширилган . 
Бироқ “Мурод бобо” фермер хўжалиги шартномада белгиланган 
муддатда тўловни амалга оширмаганлиги натижасида унинг “Агро 
лизинг” лизинг компаниясидан қарздорлиги 25 000 000 сўмни ташкил 
этган . 
Шу сабабли “Агро лизинг” лизинг компанияси судга даъво аризаси 
билан мурожаат қилиб“ Агро лизинг” лизинг компанияси ва “Мурод 
бобо” фермер хўжалиги ўртасида 2014 йил 22 декабрда тузилган 
лизинг шартномасини муддатидан олдин бекор қилишни, “ТТЗ-80 .11” 
русумли тракторни “Агро лизинг”лизинг компаниясига қайтаришни 
сўраган .
Биринчи инстанция суднинг 2106 йил 15 январдаги ҳал қилув 
қарори билан “Агро лизинг” лизинг компанияси ва “Мурод бобо” 
фермер хўжалиги ўртасида 2014 йил 22 декабрда тузилган лизинг 
шартномаси бекор қилиниб, “ТТЗ-80 .11” русумли трактор “Агро 
лизинг” лизинг компаниясига қайтарилган . 

---