Çolpan’in köŞe yazilari (İnceleme-metiN)

3.2.35.
 
Chetdagi Talabalarimizga Yordam (1923) 
Toshkentda bir necha yil muqaddam muallimlik qilg‘an eslik yoshlarimizdan 
Abduvahob Murodiyning Germaniyaning oliy ziroat maktabida o‘qib turg‘anlig‘i 
to‘g‘risida gazetamizda vaqti bilan ma’lumot bergan edik. 
Yaqinda mazkur Abduvahob o‘rtoqdan «Ko‘mak» uyushmasiga bir xat kelgan. 
Vahob o‘rtoq ul xatida oliy ziroat maktabini bitirgunicha ta’min qilmoqni bo‘ynig‘a 
olg‘an xususiy bir shaxsning vafoti orqasida hozir butkul ta’minotsiz qolg‘anlig‘ini, agar 
o‘z yurtidan yordam bo‘lmasa, o‘qishdan chiqishg‘a majbur bo‘lishini yozadir. Uning 
ta’minojizlik sabablik qiyin va og‘ir bir holda qolg‘anligini Germaniyaga yangigina borib 
yetgan talabalarimizdan o‘rtoq Saidali va Ahmad Shukriylar* ham tasdiq etganlar. 
23 noyabrda Toshkent yoshlarining gap majlislarida shu to‘g‘rida so‘z qo‘zg‘olib, 
o‘rtoq Vahobning yozgan xati o‘quldi va darhol uni ta’min qilmoq uchun tashabbus 
boshlandi. Shul yerda yig‘ilg‘an o‘rtoqlar barchasi bir og‘izdan oyliklarining yigirma 
besh foizini berishga qaror berib, yana bir-ikki kishining hamiyati bilan bir milliardga 
yaqin 
aqcha 
to‘plandi. 
Gap majlisida hozir bo‘lmag‘an boshqa o‘rtoqlardan ham yig‘ib, shul mablag‘ni o‘rtoq 
Abdulvahobning bir yillik ta’minotiga yetkarmakka bo‘lindi. 
Shu maqsad bilan Eski shaharda bir adabiyot-tomosha kechasi yasamoq uchun 
kishilar belgilandi. 
Bundan boshqa yana chetga (Germaniyaga) ketgan talabalarimiz faqat bir yilgagina 
ta’min etilib ketganliklari esga olinib, ularni o‘qishlari bitguncha ta’min qilmoq uchun 
jiddiy choralarga kirishmak lozim topilib, bu haqda kelgusi gap majlisiga puxta yo‘llar 
va choralar topib kelmak uchun ikki o‘rtoq vakil qilindi. 
Eski odatlarimizdan bo‘lg‘an gap majlislarida bunday xayrlik tashabbuslar, amaliy 
harakatlar ko‘rilishi ko‘p yaxshi va o‘rnak bo‘lg‘ulik bir ishdir. 

---

351 
Gapdan ishga, o‘rtoqlar! 
«Turkiston» gazetasining 1923 yil sonlaridan birida bosilgan. Birinchi marta 
Cho‘lpon «Asarlar»i 4-jildida qayta chop etilgan. 
Abduvahob Murodiy (1901 – 1931) – agronom olim. XX asrning 20-yillarida 
Germaniyada tahsil olgan yoshlardan biri. 
Saidali, Ahmad Shukriy – 20-yillarda Germaniyaga o‘qish uchun yuborilgan 
yoshlar. Sovet davlatining ta’qibidan qo‘rqib O‘zbekistonga qaytib kelishmagan. 
Ularning keyingi taqdiri ma’lum emas.