Цитология эмбриология проф. Қ. Р. Тўхтаев таҳрири остида

Лизосомалар 
Бу органеллалар Дэ Дюв томонидан 1955 йилда таърифланган бўлиб, 
лизосома
(юнон. lisis - эритиш, soma - тана) деб аталади. Улар кислотали 
шароитда таъсир этувчи гидролитик ферментларга бой. Лизосомалар сут 
эмизувчиларда, қушлар, амфибийларда, бошқа ҳайвон ва одам организми 
ҳужайраларида топилган. 
Электрон микроскоп остида заррачалар катталиги ўртача 0,2-0,4 мкм 
бўлиб, думалоқ шаклга эга. Бу таначалар қалинлиги 8 нм келадиган мембрана 

---

77 
билан ўралган. Лизосомалар ички моддаси турли хил табиатли бўлиб, 
кўпинча қорамтир кўринишга эга. Лизосомалар қобиғи бузилганда 
гидролитик ферментлар ажралади. Лизосомаларда ҳозирги даврда 50 дан 
ортиқ 
фермент 
(кислотали 
фосфатаза, 
кислотали 
рибонуклеаза, 
арилсулфатаза, бета-глюкуронидаза, бета-галактозидаза, эстераза, липаза, 
катепсинлар ва бошқалар) аниқланган. Лизосомал ферментлар кислотали 
муҳитда (рН-5,0) энг юқори фаолликка эга. Лекин лизосомаларда 
липидларни (хусусан, фосфолипидларни) парчаловчи ферментлар жуда кам 
ѐки бутунлай бўлмайди. Шунинг учун лизосомаларда парчаланмаган қолдиқ 
моддалардан (асосан фосфолипидлардан) ташкил топган миелинсимон 
структура қолади. 
Лизосомаларнинг асосий физиологик фаолияти унинг ҳужайра ичига 
пиноцитоз ва фагоцитоз йўли орқали кирган моддаларни ҳазм қилишидадир. 
Шунинг учун лизосомалар фагоцитоз қилишга ихтисослашган ҳужайраларда 
(нейтрофиллар, макрофаглар) кўп бўлади. Бундан ташқари лизосома баъзи 
ҳужайраларда ўзига хос вазифаларни ҳам бажаради. Масалан, қалқонсимон 
без ҳужайраларидаги лизосома тиреоид гормонни ҳосил қилишда, 
уруғланишда тухум ҳужайрага сперматозоидни кириши учун тухум ҳужайра 
қобиғини эритишда иштирок этади. Айрим ҳужайраларда лизосомалар ўз 
ферментларини ҳужайралараро бўшлиққа ажратади. Масалан, остеокластлар 
лизосомаларидан 
секреция 
қилинган 
коллагеназа 
таьсирида 
суяк 
тўқимасининг матрикси парчаланади. Лизосомаларнинг бирламчи ва 
иккиламчи турлари фарқланади.