Цитология эмбриология проф. Қ. Р. Тўхтаев таҳрири остида

КЎРУВ АЪЗОСИ (ORGANUM VISUS) 
 

---

421 
 
Расм 11.1. Кўз олмасининг тузилиши (схема). 
1 – фиброз қават; 1.1 – склера; 1.2 – шох парда; 2 – томирли парда; 2.1 – 
хусусий томирли парда; 2.2 – киприкли тана; 2.2.1 – киприкли мушак; 2.3 – 
рангдор қават; 3 – тўр парда; 3.1 – сариқ доғ; 3.2 - тишсимон чизиқ, 4 – 
гавҳар; 5 – киприкли белбоғ (Цинн боғлам); 6 – лимб; 7 – кўз олмасининг 
олдинги камераси; 8 – кўз олмасининг орқа камераси; 9 – склерани венозли 
синуси (Шлем канали), 10 –шишасимон тана; 11 – кўрув нерв сўрғичи; 12 – 
кўрув нерви, 13 – коньюнктива. 
Тараққиѐти.
Кўз олмасининг таркибий қисмлари учта манъбадан: 
нерв найидан, тери эктодермасидан ва мезенхимадан тараққий этади (расм 
11.2). Дастлаб нерв найининг бош қисмида жуфт бўртмалар – кўз 
пуфакчалари ҳосил бўлади. Кўз пуфакчалари эктодерма томон ўсади, лекин 
нерв найи билан ичи бўш кўз пояси орқали туташиб туради. Сўнгра кўз 
пуфакчаларининг олдинги девори ичкарига ботиб киради, натижада кўз 
пуфакчаси девори икки қаватли кўз қадаҳи (бокали) га айланади. Қадаҳнинг 
ички деворидан хусусий тўр парда ривожланади: ички деворнинг 

---

422 
ҳужайралари нейробластларга айланади ва кейинчалик улардан уч хил 
нейронлар: таѐқча ва колбача фоторецептор ҳужайралар, ассоциатив ва 
ганглионар ҳужайралар ҳосил бўлади. Ганглионар ҳужайраларнинг 
аксонлари кўз поясига ўсиб киради ва мияга йўналувчи кўрув нервини 
шакллантиради. Кўз бокалининг ташқи деворидан тўр парданинг пигмент 
эпителийси ҳамда рангли парда ва киприкли тананинг силлиқ миоцитлари 
ҳосил бўлади. Фоторецептор нейронларнинг тараққиѐти тўр парданинг 
пигмент қавати тараққиѐти билан чамбарчас боғланган. Бунда бўлажак 
колбача ва таѐқчасимон ҳужайралар дискларининг ривожланиши плазматик 
мембраналар бурмалари ва киприкчаларни ҳосил бўлиши орқали бир хил 
кечади. Кейинчалик эмбрионал колбачасимон ҳужайраларнинг бир қисми 
қўшимча дифференцировкага учрайди, дисклар уланиб, плазмолеммадан 
ажрайди ва таѐқчасимон ҳужайраларга айланади. Дискларни ҳосил 
бўлишини А витамини кучайтиради, у бўлмаса дисклар ҳосил бўлмайди, 
катта одамларда узоқ вақт А витамини етишмаса дисклар емирилади.