Цитология эмбриология проф. Қ. Р. Тўхтаев таҳрири остида

Нерв ва эндокринсистемаларининг ўзаро алоқаси 
Эндокрин система организм фаолиятини бошқарувчи ягона бўғин 
эмас. Унинг фаолияти нерв ва иммун системалари фаолияти билан 
чамбарчас боғлиқ. Эндокрин бузилишлар иммун реакцияларига таъсир 
кўрсатиши мумкин ѐки аксинча.
Нерв ва эндокрин ҳужайралари учун умумийлик - гуморал 
бошқарув омилларини ишлаб чиқаришдан иборат. Эндокрин ҳужайралар 
гормон синтезлайди ва уларни қонга чиқаради, нейронлар эса синапс 
бўшлиғига ажралувчи нейротрансмиттерлар ѐки ўзгартирувчилар 
(аксарияти нейроаминлар: норадреналин, серотонин ва бошқалар)ни 
ишлаб чиқаради. Гипоталамусда нерв ва эндокрин ҳужайралар учун хос 

---

381 
бўлган хусусиятларни ўзида мужассамлаштирган секретор нейронлар 
жойлашган. Улар ҳам нейроаминлар, ҳам олигопептид гормонларни 
синтезлаш хусусиятига эга. Нейроэндокрин ҳужайралар нерв ва эндокрин 
системаларни ягона нейронэндокрин тизимга бирлаштиради. 
Таснифи:
I.
Марказий эндокрин аъзолар (гипоталамус, эпифиз, гипофиз);
II.
Периферик эндокрин аъзолар:
1) соф эндокрин безлар (қалқонсимон без, қалқонсимон без олди бези, буйрак 
усти бези);
2) эндокрин ва ноэндокрин вазифани бажарувчи аралаш аъзолар (меъда ости 
бези, йўлдош, жинсий безлар);
3) аъзо ва тўқималарда диффуз жойлашган айрим эндокрин ҳужайралар – 
диффуз эндокрин система (ДЭС): а) нейроген ривожланиш манбаига эга 
АПУД система ҳужайралари (аминларни ҳосил қилувчиларни ютиш ва 
декарбоксиллаш хусусиятига эга); б) нейроген тараққиѐт манбаига эга 
бўлмаган ҳужайралар – жинсий безларнинг стероид гормонлар ишлаб 
чиқарувчи интерстициал ҳужайралари.
Модомики, эндокрин безлар функционал жиҳатдан ягона бошқарув 
тизимни ҳосил қилар экан, эндокрин аъзоларнинг ўзаро алоқаси ва 
уларнинг иерархик боғлиқлигини кўзда тутувчи тасниф ҳам мавжуд: 
I. Марказий эндокрин безлар (аксарият периферик эндокрин безлар 
фаолиятини бошқаради): 
1)
гипоталамус (нейросекретор ядролар); 
2)
гипофиз (аденогипофиз ва нейрогипофиз); 
3)
эпифиз. 
II. Аденогипофизга тобе периферик эндокрин безлар ва эндокриноцитлар: 
20.2.1.
қалқонсимон без (тироцитлар); 
20.2.2.
буйрак усти бези (пўстлоқ моддаси); 
20.2.3.
жинсий безлар (уруғдон, тухумдон). 

---

382 
III. Аденогипофизга тобе бўлмаган периферик эндокрин безлар ва 
эндокриноцитлар: 
20.3.3.
қалқонсимон без кальцитониноцитлари; 
20.3.4.
қалқонсимон без олди бези; 
20.3.5.
буйрак усти безининг мағиз моддаси ва параганглийлар; 
20.3.6.
меъда ости бези Лангерганс оролчалари эндокриноцитлари; 
20.3.7.
ноэндокрин аъзолар таркибидаги нейроэндокриноцитлар, дисперс
эндокрин тизим эндокриноцитлари (APUD-система ҳужайралари).