Чорсу деҳқон бозори

Наманган вилояти
Прокуратурасига

Ариза

Ушбу ариза орқали қуйидагиларни маълум қиламан.
Наманган “Чорсу деҳқон бозори” ОАЖ кузатув кенгашининг
29.06.2013 йилдаги йиғилиш баёнига кўра, жамиятнинг тадбиркорларга қулай шароит яратиб берилишини таъминлаш учун имкониятлари йўқлиги сабабли “Оқилжон Фозилжон савдо” МЧЖга ўз маблағлари ҳисобидан қурилиш ишларини олиб боришга рухсат берилган.
Йиғилиш қароридан келиб чиқиб, буюртмачи - “Чорсу деҳқон бозори” ОАЖ ва пудратчи - “Оқилжон Фозилжон савдо” МЧЖ ўртасида 10.07.2013 йилда 1-сонли капитал қурилиш ишлари бажариш учун пудрат шартномаси тузилган.
Шартномага асосан “Чорсу деҳқон бозори” ОАЖ ҳудудида “Қишлоқ хўжалик маҳсулотлари савдо дўконлари комплекси” қуриб битказилган.
Кейин, “Оқилжон Фозилжон савдо” МЧЖ томонидан Наманган вилоят иқтисодий судига “Чорсу деҳқон бозори” ОАЖ ҳисобидан 1 млрд. 674 млн. сўм асосий қарзни ундириш ҳақида даъво ариза билан мурожаат қилинган ва суднинг 16.10.2017 йилдаги ҳал қилув қарори билан даъво ариза қаноатлантирилган.
Кейинчалик, “Чорсу деҳқон бозори” ОАЖ билан “Оқилжон Фозилжон савдо” МЧЖ ўртасида 01.07.2020 йилда “Келишув битми” тузилиб, мазкур битм 14.08.2020 йилдаги Наманган вилоят иқтисодий судининг ажрими билан тасдиқланган.
Ажримга кўра, “Наманган Чорсу деҳқон универсал бозори” АЖ ҳудудидаги “Қишлоқ ҳўжалик маҳсулотлари савдо комплекси” бино- иншоотларига нисбатан “Оқилжон Фозилжон савдо” МЧЖга кадастр паспорти шакллантирилган ва давлат рўйхатидан ўтказилган.
Шунга кўра, Сиздан Наманган вилоят иқтисодий судининг 14.08.2020 йилдаги “Келишув битми”ни тасдиқлаш ҳақидаги ажрими қонунийлиги ўрганиб, унда кўрсатилган ҳолатлар ҳақида ҳуқуқий хулоса беришингизни сўраймиз.


Чорсу деҳқон универсал бозори
АЖ директори: Ю.Абдулхаев