Chiqarish markazi

Tuproqning  agrofizik  hossalarini  o‘rganish.  Shudgorlash  usullari  va 
chuqurligi,  shuningdek,  kultivatsiya  chuqurligi  va  sonini  o„rganish  bo„yicha 
tajribalarda  ishlov  sifatini  belgilovchi  ko„rsatkich  tuproqning  uvoqlanish 
darajasidir. 
 
Tuproq  uvoqlanishi  hosil  bo„ladigan  tuproq  donacha-fraksiyalarining  foiz 
nisbati bo„yicha belgilanadi. 

---

26 
 
 
Ishlov berilgandan so„ng agronomik jihatidan qimmatli fraksilar qancha ko„p 
shakllansa,  tuproqning  uvoqlanish  darajasi  ham,  ishlov  sifati  ham  shunchalik 
yuqori bo„ladi. 
 
Uvoqlanish  darajasi  tuproq  namunasini  ustma-ust  joylashtirish  va  uni 
teshikchalari  kattaligi  100,  50,  30,  5,  1,  0,5  va  0,25  mm  bo„lgan  elaklardan 
o„tkazish  orqali  aniqlanadi.  Tuproq  namunalari  5  takrorlanishda  50h50sm.  li 
maydonlar tuprog„ining ishlov berilgan qavatidan kavlab olinadi. Kultivatsiyadan 
keyin egat oralig„idagi tuproqning uvoqlanish darajasini aniqlash uchun namunalar 
yumshatish  kengligi  va  chuqurligidan,  kultivator  qamrovi  kengligidan  egatlarda, 
chunonchi,  4  qatorli  variantlarda  o„rtadagi  3  egatdan,  8  qatorlida  o„rtadagi  3-6 
egatdan olinadi. 
 
Tuproqqa ishlov berish bo„yicha o„tkaziladigan tajribalarda 0-5, 5-10, 10-20 
sm.  va  h.k.  qatlamlardagi  namlik  miqdorini  bilish  juda  muhim.  Bu  maqsadda 
namunalar  erta  bahorgi  tirmalash,  chigit  ekish  oldindan  yoki  ekish  tugagach, 
birinchi va keyingi sug„orishlardan avval olinadi. 
 
Tuproqning  hajm  og„irligi  va  g„ovaklik  ko„rsatkichlari  o„tkazilgan  ishlov 
turlarining  tuproq  qavatlari  zichligiga,  uvoqlanishiga,  g„ovakligiga  ta‟sirini 
ifodalovchi ko„rsatkichlardir. 
 
Tuproq  hajm  og„irligi  erta  bahorgi  tirmalashdan  avval,  ekishdan  so„ng, 
birinchi  va  uchunchi  suvlardan  oldin,  amal  davri  ohirida  bo„lakning  5  nuqtasidan 
0-10,  10-20,  20-30,  30-40  va  40-50  sm.li  qatlamlarda  aniqlanadi.  Ayrim 
tajribalarda  haydov  qatlami  shakllanishi  davomida  yuz  beradigan  o„zgarishlarga 
kuzgi shudgor, uning chuqurligi, zahira suvi yoki sho„r yuvish, kuz-qish va bahor 
pallasida  yoqqan  yog„inlar,  bahorgi  ekish  oldi  ishlovlari  va  ekish,  amal  suvlari, 
kultivatsiyalar ta‟sirini o„rganish uchun hajm og„irligini aniqlashga mo„ljallangan 
ishlar ko„proq o„tkaziladi. Masalan, er haydashdan avval va keyin, zahira suvi va 
sho„r yuvishdan so„ng, erta bahorgi tirmalashgacha, chigit ekilgandan keyin 1va 2 
chi suvdan oldin va amal davri ohirida. 
 
Ekishgacha yoki g„o„zaning amal davrida tuproqqa ishlov berish chuqurligi 
va  usullari  o„rganilayotganda  variantlaraor  farqni  aniqlash  uchun  muhim  bo„lgan 
ko„rsatkichlar  quyidagilar:  tuproqning  suv  o„tkazuvchanligi  va  suvda  yuvilishiga 
bardoshli  agregatlarning  miqdorini  aniqlash.  Suv  o„tkazuvchanlik  sug„orishlar 
oldindan  aniqlanadi.  Tuprq  agregatlari  tahlili  bahorda,  ekishdan  keyin  va 
sug„orishlar tugagandan keyin o„tkaziladi.
1 
 
Tuproq  va  o‘simliklarning  agrokimyoviy  tahlili.  Ekishgacha,  amal  davrida 
va  amal  davri  ohirida  tuproqqa  ishlov  berish  bo„yicha  tajribalarda  tuproq  va 
o„simliklarning agrokimyoviy tahlillari o„tkazilishi zarur. 
 
Tajribada uning vazifalariga ko„ra, gumus, yalpi azot, fosfor, kaliy, nitratlar, 
amiak va o„simlik o„zlashtiradigan fosfatlar miqdori aniqlanadi. Bunda sho„rlangan 
erlardagi tuproqlarning sho„rlanish darajasini kuzatish, albatta zarur.  
 
G„o„za  asosiy  oziqa  moddalarni    o„zlashtirishni  aniqlash  uchun  o„simlikda 
rivojlinish davrlari bo„yicha kimyoviy tahlil o„tkaziladi.