Buyuk Xitoy devoridagi «hikmat»

Aql egalariga bu hodisada ibrat bordir.

Bir kishi bir cho‘ponning yonidan o‘tib ketayotib, undan so‘radi:

- Ey cho‘pon, nimalarni o‘rgangansan?

- Besh narsani o‘rganganman, sen ham besh narsani o‘rgatib qo‘ysang, ilmim ortardi.

- Nima ekan u besh narsa?

1) Rost turganda yolg‘onni ishlatmayman;

2) Halol turganda haromga qadam bosmayman;

3) O‘zimda ayb bo‘la turib, o‘zgalar aybini gapirmayman;

4) Meni ko‘rib turgan Allohga osiylik qilmayman;

5) Kunimga yarab turgan ne’matga nonko‘rlik qilmayman.

- Sen oldingilaru, keyingilarning ilmini egallab bo‘libsan. SHu besh ilmingga amal qilib yuraver. Dunyoda ulardan ortiq ilm yo‘q.

Rivoyatlarda aytilishicha, Hazrat Sulaymonning: “Bu dunyoda hamma narsa oʻtkinchi”, – degan soʻzlar oʻyib yozilgan uzugi boʻlgan. Sulaymon hayotining qaygʻuli onlarida uzukdagi ana shu hikmatli bitikni oʻqib, taskin topgan. Bir kuni uning boshiga shunday baxtsizlik tushadiki, uzukdagi soʻzlar dardiga malham boʻlolmaydi. Sulaymon gʻazab bilan uzukni yechib, otib yubordi va dumalab borayotgan uzukning ichki tomonida ham allaqanday bitik borligiga koʻzi tushadi. Oʻrnidan turib, uzukni qoʻliga oladida, bitikni oʻqiydi. Uzukning ichki tomonida: “Bu ham oʻtib ketadi”, – degan yozuv bor edi. Sulaymon achchiq kulimsirab uzukni barmogʻiga taqadi va umrining oxirigacha uni yechmaydi.