Buyuk Xitoy devoridagi «hikmat»

Buyuk Xitoy devoridagi «hikmat»

Qadimgi xitoyliklar shimol tarafdan keladigan “yovvoyi” qabilalarning hujumidan omonlikda yashash maqsadida “buyuk” Xitoy devorini qurdilar. Ular o'zlaricha “Devor juda balandligi uchun hech kim unga tirmashib chiqolmaydi, juda qalinligi uchun hech kim unga o't qo'ya olmaydi” deb o'ylashardi. Ular shu fikr bilan devorni qurib, yashay boshlashdi. Lekin devor qurilganidan keyingi birinchi yuz yillik ichida xitoyliklar uch marta “yovvoyi” qabilalar hujumiga uchradi. Shu hujumlar davomida “yovvoyi” qabilalar biror marta devorni yondirishga ham, unga tirmashib chiqishga ham ehtiyoj sezmadilar. Balki ular devor yonida turgan qo'riqchilarga pora berib, eshiklardan kirib, hujum qildilar. Qadimgi xitoyliklar toshdan devorlar qurishga qattiq berildilar, ammo o'z farzandlariga, o'z fuqarolariga sadoqat, vafo, vatanparvarlik, rostgo'ylikni o'rgatishni unutdilar.

Hikmat: Insonga xizmat qiladigan narsani qurishdan oldin ishni insonning o'ziga ta'lim-tarbiya berishdan boshlash kerak.

Bir yigit hikmat va tajriba egasi bo‘lgan bir donishmandning oldiga bordi. Unga shunday shikoyat qildi: - Ayolimni birinchi bor ko‘rganimda, Alloh dunyoda boshqa bu kabi go‘zal ayolni yaratmagan bo‘lsa kerak deb o‘ylagandim. Unga gapirib boshlaganimdan so‘ng esa, bu kabi ayollar ko‘p ekanini ko‘rdim. Unga uylanganimdan so‘ng esa, undanda go‘zal ayollar ko‘p ekanini his qildim.U bilan biroz muddat yashaganimdan so‘ng esa, dunyodagi istalgan ayol mening xotinimdan yaxshiroq ekaniga amin bo‘ldim. Hakim kishi shunday dedi: - Senga bundanda past va yomon narsaning xabarini beraymi?Yigit: -Ha.Donishmand:- Agar sen dunyodagi barcha ayollarni nikohinga olib chiqsang ham, ko‘chadagi manashu daydi itlar ham shu ayollardanda yaxshi ekanini ko‘rar eding. SHunda yigit: - Nega bunday deyapsiz?Donishmand:- CHunki muammo sening ayolingda emas. Muammo shundaki, agar inson qalbi hirsga, nazari shahvatga berilsa, uni Allohdan bo‘lgan hayosi tark etadi. Bu ko‘zni esa faqat qabr tuprog‘i to‘ldiradi. Sening aybing Alloh harom qilgan narsadan nazaringni tiymaganingdir!Ayoling oldingi holiga, dunyodagi eng chiroyli ayol holatiga qaytishini istaysanmi?Yigit: ha, dedi.- Unda nazaringni tiy! Alloh taolo: “Sen mo‘minlarga ayt, ko‘zlarini tiysinlar va farjlarini saqlasinlar. Ana shu ular uchun pokdir. Albatta, Alloh nima hunar qilayotganlaridan xabardordir.”-deb marhamat qilgan. Nimaiki qo‘lingda bo‘lmasa u senga chiroyli va afzal ko‘rinaveradi. Unga erishgach esa, sen uchun oddiy narsaga aylanadi. Qo‘ling ostidagiga qanoat qil. Yo‘qsa, qabrga kirguningga qadar dunyo matohiva go‘zalliklari ortidan quvganing qoladi xolos. Men senga bulardanda chiroyliroq, bulardanda afzalroq narsani aytaman. Bu Alloh taologa ibodat va solih amaldir. Buning lazzatini faqat astoyidil harakat qilgan insongina tatiydi. Allohdan hamisha ayolingni ko‘zinga go‘zal qilib ko‘rsatishini va uning muhabbati bilan rizqlantirishini so‘ra.