Buyuk Xitoy devoridagi «hikmat»

Davlatni aldasang, «jigoku»ga tushasan...

Kuni-kecha Vatandosh.uz saytida chop etilgan YAponiyada yashovchi bir hamyurtimizning maqolasini yuborishdi. O‘qib ko‘rdim, yoqdi. Sizga ham ilindim: «Bugun ertalab ishga ketayotgan edim. Metroda bir bolakayga ko‘zim tushdi. Boshini kitobdan ko‘tarmay ketdi, ancha joygacha. Havasingiz keladi-vey. CHidab turolmadim. YOnida joy bo‘sh ekan. O‘tirib savolga tutdim. YApon xalqiga sumimasen (uzr) deb uzoqdan gap boshlamasangiz qo‘rqib ketadi. Men ham uzr deb, savolga tutdim. Javob bergisi kelmay javob berdi.

– Qanaqa kitob o‘qiyabsan?

– Maktabdan bergan uyga vazifamni qilayapman.

– Nega uyda qilmading?

– Uyda ham qildim. Bu erda ham qilaman. Bilasizmi? Men ko‘p kitob o‘qishim kerak.

– Nimaga?

– Otam bilan onam ajrashgan. Onam meni, juda ham qiynalib katta qilyabdi. Baitoda (soatbay ishlash) ishlab juda ham qiynalayabdi. Men hozir zo‘r o‘qisam kelajakda o‘zimni kaishamni (kompaniya) ochib, onamlarni shachou (kompaniya boshlig‘i) qilib tayinlayman. O‘zimizni uyimiz bo‘ladi… Meni “boqishdan qiynalaman, bola kerakmas” deb ajrashib ketgan otamga ham yordam qilaman, deydi…

Ko‘zlarimga yosh keldi…

Noto‘g‘ri savol berib qo‘yganimdan hijolat bo‘lib, chalg‘itmoqchi bo‘lib, gapni bo‘ldim.

– Satoukun, (ismi Satou ekan, -kun qo‘shimchasi erkalab chaqirishda ishlatiladi) dars qilishni yaxshi ko‘rasanmi?

– Ha, juda ham. Onam aytganlar menga, dars qilsam, yaxshi odam bo‘lsam, odamlarga yordam bersam davlatga ziyonim tegmasa «tengoku»ga tusharkanman.

– «Tengoku» nima?

– «Tengoku»ni bilmaysizmi? Men sizni kiyimlaringizni? Qo‘lingizdagi kitobni ko‘rib aqlli odam deb o‘ylagandim. Ie, ha siz gaikoujinsiz-ku (xorijlik) shunga tushunmadingiz, shekilli. «Tengoku» degani odam o‘lgandan keyin boradigan joy. YAxshi odamlar «Tengoku»ga tushadi. YOmon odamlar «Jigoku»ga.

Bu gaplarini eshitib, Jannat va Do‘zax haqida gapirayotganini fahmladim. YAna savolga tutdim:

– Satoukun, Jigokuga (do‘zax)ga qanday odamlar tushadi?

– Davlatdan, aldab pul undirganlar, masalan: o‘qimay, ishlamay, “pulim yo‘q, pul beringlar” deb faqat davlatdan pul undiradiganlar tushadi. YOmon odamlar tushadi. Dadamni ham tushadi deb aytishdi menga. Lekin, men xohlamayman.

Bo‘ldi, men keyingi bekatda tushaman. Bay bay. – O‘qishlaringa omad. Ukajon, Ilohim barcha orzularinga erishgin…

Bola tushib ketdi. Qarasam ancha bekat o‘tib ketibman. Kun bo‘yi bola bilan bo‘lgan suhbat haqida o‘yladim. Hali boshlang‘ichda o‘qiydigan bolani, fikrlashi-yu, aqlliligiga tasanno aytdim. Farzand tarbiyasiga qoyil qoldim.

YAponiya davlatini ancha muncha davlatlardan ildamlab ketganini sababini tushungandek bo‘ldim. O‘qimasa hech kim bo‘lolmasligini, oddiy soatbay ishda ishlab o‘tib ketishini tushungan, kelajakda katta kompaniyani yuritaman, deb bolaligidan qattiq harakat qilgan Satoukunlar rivojlantirgan ekan, YAponiyani. Juda ko‘p YAponni ko‘rasiz o‘zimni kompaniyamni ochaman, deb qattiq o‘qib, soatbay ishlab, uxlamay yurganliklarini. SHu sababdan YApon kompaniyalari dunyoda kuchayib ketgandir, balki.

Davlatni aldasang, «jigoku»ga tushasan degan gapi juda o‘yga soldi odamni.

Baraka top, Satoukun. O‘zingdan necha barobar yoshi katta akanga, «jigoku», «tengokudan», hayotdan, tirishqoqlikdan, kitob o‘qishdan dars berib qo‘yganing uchun…

Mohi Ramazon oylarida duo qilaylik azizlar, bizni yurtimizdan ham shunday, bolajonlar chiqib, yoshlar chiqib, katta – katta kompaniyalar ochib, kuchli olimlar chiqib, ota-bobolarimizni munosib vorislari chiqib O‘zbekistonimizni YAponiyadek, boshqa rivojlangan davlatlardek yuqori cho‘qqilarga olib chiqsin, Ilohim.

Bahodir Iskandarov,

SHinjuku shahri, YAponiya. 2019 yil 7 may».

NEGA QO‘RQAY?

YOsh er-xotin bir-birini juda yaxshi ko‘rar, tinch-osuda hayot kechirishar edi. Ularning tabiatlari bir-biriga teskari bo‘lib, xotin serhissiyot, er esa bosiq edi.

Kunlarning birida dengiz safariga chiqishdi.

Kechasi birdaniga kuchli shamol qo‘zg‘aldi. To‘lqinlardan kema dahshatli chayqalar, odamlar qo‘rquvga tushib baqira boshlashdi. Bu ahvolni ko‘rgan xotin qattiq sarosimaga tushdi. Ustiga-ustak, kema kapitanining “Bizni mo‘jiza qutqara oladi, xolos, Alloh taologa duo qilinglar”, deyishidan vahimasiga vahima qo‘shildi.

Er har doimgidek xotirjam edi. Bundan xotinning jahli chiqib, erini sovuqqon va beparvolikda aybladi.

SHu payt er yonidagi xanjarni oldida xotinining ko‘ksiga tirab, jiddiy va keskin ohangda dedi: “Hanjarni suqib olishimdan qo‘rqmaysanmi?”.

Xotin erining ko‘ziga tik qaradi: “Qo‘rqmayman!”.

Er: “Nega qo‘rqmaysan?”.

Xotin: “Nega qo‘rqay? Axir xanjar meni yaxshi ko‘radigan kishining qo‘lida turibdi-ku?!”.

Er tabassum qildi: “Balli! Men ham bu dahshatli to‘fondan nima uchun qo‘rqay?! Axir meni yaxshi ko‘radigan Zotning qo‘lida-ku. Nima qilsa ham U zotning taqdir qilganidan boshqasi bo‘lmaydi”, dedi.

QIYMAT O‘ZGARMAYDI

Mashhur psixologlardan biri psixologiya fanidan navbatdagi amaliy mashg‘ulotni boshladi. Auditoriyada ikki yuz nafardan ziyod o‘quvchi bor edi. U o‘z talabalariga yuzlanib, cho‘ntagidan o‘n dollarlik kupyurani chiqarib, dedi:

— Mana shu pulga kim egalik qilishni xohlaydi?

— Professor tag‘in xitob qilgach, sanarli darajada qo‘llar birin-ketin ko‘tarildi.

— Qo‘limda bor-yo‘g‘i bir dona kupyura bor, shunday ekan, unga faqat bir kishigina egalik qilishi mumkin. Endi mana shu pul o‘z egasiga nasib qilishidan oldin men uni shunday ahvolga solaman, — u shunday deya kupyurani g‘ijimladi-da, yana boyagi gapini qaytardi:

— Xo‘sh, endi ham bu pulning sizga keragi bo‘ladimi?

— Pulga egalik qilishni ixtiyor etganlar yana qo‘llarini ko‘tarishdi.

— YAxshi, — dedi psixolog talabalariga bir qarab olib, so‘ng u qo‘lidagi yagona g‘ijimlangan o‘n dollarlik kupyurani polga tashlab, ustidan botinkasi bilan bosib, ezg‘iladi. Tag‘in uni qo‘liga olib, yana auditoriyadagi talabalarga yuzlandi.

— Xo‘sh, mana shu abgor holida ham bu pul sizga asqotishi mumkinmi? Unga egalik qilishni istaysizmi?

— Buni qarangki, tag‘in ham qo‘llar ko‘tarildi.

— Azizlarim, — dedi professor,

— hozir siz o‘z nisbatingizga yarasha xulosa chiqardingiz, saboq oldingiz. Men pulni qanday ahvolga solmay, unga baribir ega chiqishni ixtiyor etdingiz. CHunki pul qanday qiymatda bo‘lmasin, har qanday holda ham o‘sha qiymatga egaligicha qolaveradi.

Hayotda shunday vaziyatlar bo‘ladiki, biz o‘sha dam o‘zimizni itqitilgan egarday yo polda yotgan lattaday his qilamiz — endi hech kimga keragimiz yo‘qday tuyiladi. Vaholanki, qanday vaziyat yo sharoitga tushmaylik, ahvolimiz qanchalar abgor bo‘lmasin, biz o‘sha damda ham avvalgidek qadr-qiymatga ega bo‘lamiz, insoniylik mavqeidan ajralmaymiz. Siz isqirt yo toza, ravon yo g‘ijim bo‘lishingizdan qat’i nazar, hamma vaqt o‘z qadrdoningiz — sizni sevuvchi, hurmat qiluvchi kishilarga bebaholigingizcha qolaverasiz.

Bolakay uyiga kelib onasiga:

Bu xatni maktabdagi o‘qituvchim berib yubordilar, deydi. Onasi xatni o‘qib ko‘z yoshlarini zo‘rga tutib turdi. Uni bolasiga baland ovozda o‘qib berdi: «Sizning o‘g‘lingiz daho! Maktabimiz uning qobiliyatiga kichiklik qiladi. SHuning uchun siz unga uyingizda ta’lim bering!». Oradan yillar o‘tdi. Insoniyat tarixida ulkan ixtiro kashf qilgan inson Edisonning onasi vafot etdi. Kunlarning birida u onasining javonini ko‘zdan kechirayotib qutidagi xatga ko‘zi tushdi: «Sizning o‘g‘lingiz kaltafahm, tentak. Erta tongdan boshlab uni maktabga kiritmaymiz!». Buni o‘qigan Edison rosa yig‘ladi va o‘zining xotira daftariga ushbu bitiklarni bitib qo‘ydi: «Edison tentak bola bo‘lgan. Lekin aqlli onasining tadbiri ila dahoga aylandi!». Onaning hayotdagi o‘rni shunday!!!

📌 Tomas Edison (1931 yilda vafot etgan), amerikalik ixtirochi.

Nima sababdan Ka’ba tavofi soat strelkasiga teskari tarzda amalga oshiriladi?  Ka’ba tavofi – islom dinining asosiy besh ruknidan biri bo‘lmish Haj ibodati mobaynida bajariladigan asosiy amallardan hisoblanadi. Tavof soat strelkasiga qarama-qarshi tarzda amalga oshiriladi. Buning sababi nimada? Ushbu savolning javobini topishga ko‘maklashuvchi bir nechta ilmiy faktlarni e’tiboringizga havola etamiz:

1.Inson tanasidagi qon soat strelkasiga teskari tarzda aylanadi.

2.Atom elektronlari ham yadroning atrofida soat strelkasiga qarshi harakatlanadi.

3.Oy ham o‘z o‘qi atrofida soat strelkasiga teskari tarzda aylanadi.

4.Er ham xuddi shunday, o‘z o‘qi atrofida soat strelkasiga qarshi harakatlanadi.

5.Bundan tashqari Er sayyorasi Quyosh atrofida ham soat strelkasiga qarama qarshi tarzda aylanadi.

6.Quyosh tizimidagi sayyoralar ham xuddi shunday tarzda Quyosh tevaragida harakatlanadi.

7.Quyosh hamda butun Quyosh tizimi Galaktikada orbita bo‘ylab soat strelkasiga teskari ravishda harakatlanadi.

8.Fazodagi barcha galaktikalar ham bu an’anaga amal qiladi.

Bundan kelib chiqadiki, musulmonlar tavof mobaynida butun borliqqa hamohang tarzda harakat qiladilar. Alloh taoloning zarradan tortib to ulkan koinotlargacha bo‘lgan yaratilmishlari Buyuk Zotga tasanno aytish nuqtasida birlashadi. Musulmonlar  Odam (a.s.)dan tortib Muhammad (s.a.v.) gacha bo‘lgan barcha payg‘ambarlar tavof qilgan ayni erda Ka’bani tavof etadilar. Makkada insonlarning Ka’ba atrofidagi tavofi hech qachon tugamaydi. Qiyomat Er yuzida Ka’bani tavof qiluvchi birorta ham jon qolmaganda sodir bo‘ladi.

"Qanday qilib oilalar buzilishi mumkin?!"

Kecha xotinim bilan urishib qolib unga: «Eng kerakli narsalaringni olib-da, uydan yo‘qol! – deb baqirsam, xotinim chemodanini ochib, yonimga kelib meni chemodanni ichiga solishga harakat qila boshladi». Qanday qilib uni kechirmay bo‘ladi...?!

Iymon...

Bir kuni qishloq ahli yomg‘ir so‘rab ibodat qilishmoqchi bo‘lishdi. Ibodatga belgilangan kuni barcha aholi yig‘ildi. Faqat birgina bolacha o‘zi bilan soyabon olib keldi. Bu - IYMON.

YOsh bolani osmonga otsangiz, u kuladi. CHunki u otasi uni ushlab qolishini, yiqilmasligini biladi. Bu - ISHONCH.

Farzandingizni urishsangiz, u ko‘zlarida yoshi bilan kelib sizni quchadi. Unga achinib, yupatishingizni xohlaydi. BU - MEHR.

Siz og‘ir vaziyatda qolsangiz, siz aqlingiz emas, qalbingiz buyurganidek ish tutsangiz, bu - OQILLIK.

Har kecha uxlamoqchi bo‘lganimizda, ertangi tongda hayot bo‘lish yoki bo‘lmasligimizga kafolat yo‘q. Lekin biz, odatimizga ko‘ra qo‘ng‘iroqli soat (budilnik) ni sozlab so‘ng uxlaymiz. Bu - UMID!

IBRAT UCHUN

U ayolini urdi. Ayoli yig‘lab:

- Hoziroq borib ustingizdan arz qilaman, - dedi.

- Senga kim aytdi, meni qo‘yib yuboradi, deb. Uydan chiqibam bo‘psan!

- Nima siz eshik - derazalarni qulflab qo‘ysam, shikoyat qilolmaydi deb o‘ylayabsizmi?

- Ha, nima qilolarding?

- Qo‘ng‘iroq qilaman, dardimni sochaman!

- Hah, telefoningni ovolaman. O‘chirib qo‘yaman.

Ayol hammomga kirib ketdi.

Eri tashqariga chiqib deraza oldida poyladi, qochib ketarmikan, deb kutdi. Ayol chiqishga unirinmaganini ko‘rib qaytib kirdi.

Hammomning eshigi qarshisiga turib oldi. Ayol hammomdan tahorat olib chiqdi.

YUzini esa, go‘zal tabassum bezatib turardi. Uning ko‘rinishi yuz - qo‘lidagi shabnam tomchilari kabi bo‘lgan tahoratning musaffo suvidek sof - nurli edi.

- Men albatta shikoyat qilaman, Unga arz qilishimdan na derazalaringiz, na eshiklaringiz, na telefonlaringiz to‘sa oladi!! Uning eshiklari hecham yopilmaydi. Dodimni eshitadi! - dedi.

Eri undan nari ketib divanga o‘tirdi. Jim o‘ylanib qoldi. Ayol ketib namoz o‘qidi. Uzoq sajda qildi. Eri uni kuzatib turardi. So‘ng u boshini ko‘tarib, duoga qo‘l ochmoqchi bo‘lganida, eri chopib kelib qo‘llarini ushlab oldi.

- Sajdada shu-u-uncha meni qarg‘aganing etarlimasmi?

Ayol ma’sum ko‘zlari bilan unga boqib:

- Sizning qilgan bu ishingizga rozi bo‘lib, atigi shuncha duo qilish bilan kifoyalanishim kerak ekanmi, a?

- Kechir, senga qo‘l ko‘tarmoqchi emasdim. Allohga qasam, g‘azabim aqlimni oldi.

- SHuning uchun ham haqqingizga xayrli duo qilish, shaytonni qarg‘ashdan to‘xtamayman.

Men o‘z ko‘zining quvonchi: erini duoyibad qiladigan axmoq xotinlardan emasman.

Erining ko‘zalaridan yosh qalqib chiqdi. Duo uchun ko‘tarilgan qo‘llarni ko‘ziga surtib, o‘pdi.

- Allohga qasam, bundan keyin hech qachor senga ozor bermayman.

Xulosa

Alloh va Uning Elchisi sollallohu alayhi va sallam mana shunday ayollar bilan turmush qurishga chaqiradilar. Erlaringizga cho‘ri bo‘ling, ular qulingiz bo‘ladilar. Sizlar ayollaringiz uchun fido bo‘ling! Fidoyingiz, vafodoringiz bo‘ladilar.

BOʻRI VA ESHAK (Ibratli rivoyat)

Bir kuni boʻri bilan eshak maysaning rangi borasida tortishib qolibdi. Eshak maysaning rangini sariq desa, boʻri yashil der ekan. Ular koʻp tortishibdi. Hech kelisha olishmagach, masalani hal qilib berish uchun oʻrmon podshohining oldiga borishga qaror qilishibdi. Muhokama boshlanibdi. Ikkisi ham oʻzining hujjat-isbotini keltiribdi. Hukm chiqarish paytida hamma adolatli hukmni intiqlik bilan kutishar edi. Sher mahkamaga hozir boʻlganlarning umidlarini chippakka chiqarib, boʻriga bir oy qamoq jazosi hukm qildi. Eshakni esa aybsiz deb hukm qildi.

Boʻri eʼtiroz bildirib: “Janob, maysaning rangi yashil emasmi?”, debdi.

Sher: “Ha, yashil”, debdi.

Boʻri: “Unday boʻlsa, nima uchun menga qamoq jazosi taʼyinladingiz?, axir, men xato qilmadimku!”, debdi.

Sher: “Toʻgʻri, sen maysaning rangida xato qilmading, lekin bunday masalada eshak bilan bahslashib xato qilding. Bundan keyin senga ibrat boʻlishi, hamda TUSHUNMAYDIGAN BEFAHMLAR BILAN TORTISHMASLIGING UCHUN senga qamoq jazosini tayinladim”, dedi.

Xulosa: Hech qachon mutaassib va johillar bilan TORTISHMANG. Chunki bunda hech qanday natijaga erisha olmaysiz. Shunga koʻra, katta olimlarga nisbatan notoʻgʻri eʼtirozlar boʻlganda yoki taʼna-malomat qilinganda ularning sukut qilishlari magʻlub boʻlganidan emas, balki ushbu oyatga amal qilganidandir.

CHumolidan so‘rabdilar:

—Qaerga ketyapsan?.

—Ka’baga,- debdi u.

— Bu yurishda qachon etib borasan?

— Etib borolmasam ham, hech bo‘lmasa shu yo‘lda o‘laman-ku? - debdi chumoli oliy maqsad yo‘lida qat’iylik ko‘rsatib.

Oyna...

"...Bir necha kishi Misrga bordik. Do‘konga kirdik. Bir uzuk yoqib qolib, narxini so‘radik. "1400 junayh", dedi.

Narxini biroz tushirib berishini iltimos qildik. "Qaerliksizlar?" – dedi. "O‘zbekistonlik, Movarounnahrdanmiz. Buxoriy yurtidan", dedik. "Buxoriy yurtidan ekansiz, sizlarga 20 foiz chegirma qilib beramiz" dedi. Bizga yoqib ketdi.

"YAna qanday olimlar bo‘lgan?" – deb so‘radi. "Imom Termiziy, dedik. "Masha Alloh, u kishi ham sizlardanmi?" – dedi biri ishonqiramay. "Ha, bizdan ko‘plab allomalar chiqishgan", dedik. "YAna kim?" "Imom Zamaxshariy", dedik.

Sotuvchi "Masha Allooooh!" – dedi-da, qo‘llari bilan ko‘zlarini yopdi. Panjalari orasidan yosh oqa boshladi. Keyinroq bildik, u kishi Imom Zamaxshariyning ashaddiy muxlislari ekan. Bir oz suhbatlashgandan keyin "Sizlardan foyda olmayman. 620 junayhga tushgan, shuni bersangiz bo‘ldi", dedi. SHu payt oramizdagilardan faqat o‘zbekkagina xos bo‘lgan "gap" chiqdi: "SHundan ikki dona bering"...

Men uyalib ketdim...

"Mayli, beraman" dedi. Uzukni berayotganda yonda turgan kishilardan birlari "Namoz o‘qisharmikin?" – deb qoldi. Sotuvchi qo‘lini uzatayotgancha to‘xtab qoldi. "Ha, namoz o‘qiysizlarmi?" – dedi. Savol bilan javob orasida uzilish paydo bo‘ldi. CHunki, javob aytarli yo‘q edi...

Bir oz sukutdan keyin "Jum’a namoziga chiqib turamiz", dedi kimdir. "Boshqa namozlarni-chi?" – dedi hayron bo‘lib. Zo‘rg‘agina "Yo‘q", deya oldik.

Sotuvchining qo‘li muallaq turib qoldi. Biroz sukut qildi-da, achinish bilan: "Mayli, men musulmonman. Aytgan narximga beraman. Ammo sizlar qaytib Imom Buxoriyni tilingizga olmang. HAQQINGIZ YO‘Q!" – dedi...

© Salim Ayyubiy

✿°•┈┈┈••ৡ❀ৡ•┈┈┈•°✿

«Zulmatlardan nurga» kanaliga ulanish uchun quydagi likni ustiga bosing👇👇👇👇

https://t.me/joinchat/AAAAAEGbtTLPvC3NKKThiA

G‘ARB

Otaturk inqilobidan so‘ng Usmoniylar oilasini uy kiyimlari bilan Evropaga surgun qilishdi.

Sultonning farzandlari, xotini yolvorishdi:

- Bizga SHom, Iordaniya yoki Misrga ketishga izn bering. Bizni Evropaga jo‘natmang!

Ammo G‘arbning ta’limoti ochiq-oydin ulardan intiqom olish, ularni xorlash edi. Ularning ba’zisini yahudiylar makoni bo‘lmish Salonikiga, ba’zisini Evropaga surgun qilishdi. Usmoniylarning oxirgi sultoni sulton Vahiduddinni xotini bilan kechasi Fransiyaga surgun qilishdi. Butun moli va egalik qilgan narsalarini musodara qilishdi. Ularni bir chaqasiz uy kiyimlari bilan chiqarib yuborishdi. Sulton Vahiduddinning o‘g‘illari Parijda yuzlarini berkitib tilanchilik qilib yurishar edi.

Sulton Vahiduddin vafot etgach Fransiya cherkovi uning jasadini bermadi. Sababi, uning do‘konlardan, bozorlardan qarzi ko‘payib ketgan edi. Musulmonlar pul yig‘ishib uning qarzlarini to‘lashdi va cherkovdan jasadni olishdi va SHomga jo‘natib o‘sha erda dafn qilishdi.

Ular haqida birinchi bo‘lib Turkiya bosh vaziri Adnon Mandaras surishtirdi va Fransiyaga bordi. U : "Mening otalarim- onalarim qaerda?", deb surishtirar edi. Oxiri Parijdagi bir kichkina qishloqqa bordi. U erda bir korxonada xalifa Abdulhamidning zavjasi SHafiqa xonim(85 yosh) va qizi Oisha xonim( 60 yosh) lar arzimagan pul evaziga idish-tovoq yuvishar edi. Mandaras yig‘lab ularning qo‘llarini o‘pa boshladi. Oisha xonim uni tanimay: "Sen kimsan?"-deya so‘radi. Mandaras Turkiya bosh vaziri ekanini aytgach uning qo‘llaridagi idishlari erga tushib ketdi va:"Qaerda eding, juda kechikding" , dedi va hushidan ketib yiqildi.

Adnon Mandaras hukumatni ularni Turkiyaga olib kelishga ming azob bilan ko‘ndirdi. Hukumat faqat ayollarni olib kelishga ruxsat berdi. Abdulhamid va Vahiduddinning o‘g‘illarini Najmiddin Erbakon o‘zining davrida avf haqida qaror chiqarib Turkiyaga olib keldi.

Mandarasni mahkamaga tortgan masalalar ichida unga davlat mulkini o‘g‘irlab Usmoniylar oilasiga sarflaganlik aybi ham bor edi.

CHunki Mandaras hayit bayramlarida ularni ziyorat qilib o‘zining maoshi, shaxsiy mulkidan ularni ta’minotini qilib turar edi.

1961 yil iyul oyida Mandarasni dorga osishdi. Ayni shu oyda Abdulhamidning ayoli va qizini joynamoz ustida jasadini topishdi. Mana shu g‘arbning basharasi...

@dilsahifalari

SADOQAT

Salohiddin Ayyubiy rahimahulloh 589chi hijriyda vafot qildi. U SHom, Misr, Hijoz va YAmanda sulton edi. U vafot qilganida uning xazinasida bir dinor va qirq etti dirham qolgan edi. Bu pul uni kafanlash va dafn qilishga ham etmadi.

---------------

Bu o‘z Rasuli sallollohu alayhi va sallamga sadoqatli bo‘lgan sultonning siyratidir.

Ba’zilardan o‘z vatanidan, millatdoshlaridan bildirmay olgan (o‘g‘irlab demadim) milliardlab pullari begona o‘lkalardagi banklarda qolib ketayapdi. Uni hatto merosxo‘rlari ham ishlatib tugata olmaydi.

SHuning uchun "adolat", "sadoqat", "millatparvarlik", "vatanparvarlik" kabi so‘zlar hozirda kishini biroz zeriktirib qo‘ydi. Da’vo qilinmasa yaxshi bo‘lar edi bu xislatlarni...

Ibratni esa UMARlar va SALOHIDDINlardan olaveraylik!

Abdulqodir Polvonov sahifasidan

@dilsahifalari

MAYKL JEKSON

U 150 yil yashamoqchi edi. Uning 12 ta shaxsiy tabibi bo‘lib ular uni har kuni sochidan tirnog‘igacha tekshirib turishar edi. Har gal taomlanishidan oldin bir kishi taomini zaxarlanmaganini aniqlab oldindan yeb ko‘rsatar edi. Uning kunlik faoliyatini 15 kishi bayon qilib borar edi. Hatto uxlash uchun yotadigan karavati maxsus tayyorlangan bo‘lib uyqu vaqtida kislorod mo‘’tadilligini tartibga solar edi. Hatto mabodo kerak bo‘lib qolsa inson a’zolari bilan ta’minlaydigan tomonlar bilan ham shartnomalar bor edi. Chunki u 150 yil yashashi lozim edi-da!

Ammo 2009 yil 25 iyunda bu urinishlarning barchasi bekor bo‘ldi. 50 yoshida Mayklning yuragi urishdan to‘xtadi. Uning 12 ta shaxsiy tabibi bor kuch va bilimlarini sarflashdi, Kaliforniya va Los Anjelesdan malakali tabiblar taklif qilindi. Ammo bari befoydi ketdi. Uni o‘limdan saqlab qola olishmadi. 25 yil Maykl shaxsiy tabiblar maslahatisiz bir qadam ham qo‘ymadi. U 150 yil yashamoqchi edi-da!

Uning oxirgi safarida 2,5 million kishi kuzatib qo‘ydi. Bu o‘lim va vidolashuv safari edi.

Bu qissadan xulosa shuki, biz hech narsaga ega emasmiz. Ega bo‘lgan mulkimiz bor-yo‘g‘i bizning ismi sharifimiz yozilgan ba’zi bir qog‘ozlar xolos. Biz hatto o‘z hayotimizga ham molik emasmiz.

Imom Moturidiy rahimahulloh o‘zining “At-tavhid” kitobida Allohning borligiga eng katta dalillardan biri insonning ustidan doimo o‘lim hukmronlik qilishi, u hohlamasada qarib-qartayishi, bemor bo‘lishi kabi ishlar ekanini aytadi.

SHUNDAY EKAN TUG‘YON NECHUN?

@dilsahifalari

Bag‘dod hokimi Hajjoj umrining oxirlarida tushida Azroil alayhissalomni ko‘rib, u zotdan so‘ragan ekan:

— Hazrat, siz jonni oluvchi farishtasiz. Men qachon o‘laman? Menga o‘lim qachon keladi?

SHunda Azroil alayhissalom besh panjalarini ko‘rsatib g‘oyib bo‘lgan ekanlar.

Ertasi kuni Hajjoj olimlarni chaqirib, tushining ta’birini so‘rabdi. Olimlardan biri: «Besh yil umringiz qolibdi», debdi. Boshqasi besh hafta debdi, birovi besh kun debdi. Javoblarning birontasi ham Hajjojning ko‘ngliga taskin bermabdi. SHunda Hajjoj buyuk mujtahid imom Molikdan tushining ta’birini so‘rabdi. Imom shunday javob beribdilar:

— Qiyomatning qachon bo‘lishini (1), yomg‘irning qachon tushishini (2), bachadondagi xomilaning o‘g‘il yoki qizligini (3), ertaga nima bo‘lishini (4) insonga o‘lim qaerda va qachon kelishini (5) Allohdan o‘zga hech kim bilmaydi. Hazrati Azroil alayhissalom shu beshta narsaga ishora qilmoqdalar. Hatto men ham jon oluvchi farishta bo‘la turib, qachon va qaerda o‘lishingni bilmayman, demoqchi bo‘lyaptilar...

Kanalimizga ulanish uchun quyidagi linkni ustiga bosing 👇

https://t.me/joinchat/AAAAADwRkZQ9I85rZoZq1g

​​Tarbiyaviy hikoya

Musulmonlar xalifasi Xorun ar-Rashid xalq hayotini o‘rganish uchun faqirona kiyinib, mol bozorini aylanib yursa, bir QASSOB bir qo‘yning baxosini so‘rabdi.

Sotuvchi qassobga :

-20 tanga», debdi.

Qassob buni eshitib:

-Qo‘yingizning 14 kilo go‘shti 4,5 kilo yog‘i bor. Uning narxi 15 tanga xolos

debdi va qo‘yni olmay ketibdi.

Xalifa navkarlaridan biriga qo‘yni sotib olishni, ikkinchisiga qassob ortidan borishni buyuribdi.

Bozordan qaytgach, o‘sha qo‘yni so‘yishibdi va qassob aytganidek, 14 kilo go‘sht va 4,5 kilo yog‘ chiqqanini ko‘rishibdi.

Qassobni topib kelishibdi va unga yana ikki qo‘chqorni ko‘rsatib, qancha go‘sht va yog‘ borligini so‘rashibdi... Qo‘chqorlar so‘yilganidan so‘ng qassob aytgan yog‘-go‘sht chiqibdi.

Xalifa QOYIL qolibdi hamda undan dunyoviy va uxraviy ilmlardan so‘rabdi... Afsus, qassobning kallasi bu sohada BO‘MBO‘SH edi.

SHunda xalifa debdi:

-Ey qassobzoda! Nahot hayotni faqat qassobchilikda deb tushunsang? Qani senda vatanga muhabbat, xalqingga muhabbat? Nahot halol va haromning farqiga etmasang!

Halifa jar chaqirtirib, e’lon qilibdi:

-Ushbu qassob shuncha zehni, shuncha ilmi bo‘la turib, yo dunyoviy, yo uxraviy ilm olmagani halol-harom farqiga bormagani uchun boshqalarga ibrat bo‘lsin deb, kelgusi juma kuni uni DORGA ostiraman.

Hamma bu hukmdan rozi bo‘lib, uning odilligini tan olishibdi.

Ertasi kuni xalifa qabuliga ikki yosh yigitcha kirib kelibdi. Xalifa ularning xulqu-axloqini ko‘rib: "Farzanding bo‘lsa, shunday bo‘lsin..", deb qo‘yibdi.

Yigitlar xalifadan gapirishga izn so‘rashibdi va ruxsatdan so‘ng deyishibdi:

-Ey Amiral mu’minin! Avvalo bizning bir qoshiq qonimizdan keching. Biz O‘LIMGA HUKM qilingan qassobning o‘g‘illarimiz. Otamizdan so‘ralgan savollarni bizdan so‘rasangiz.

Xalifa bolalarni uzoq savolga tutib, ulardagi ilm, etuklikni sezib, kuchliroq olim kishilarni chorlab, ilm majlisi o‘tkazib, bolalarning zehni va ilmiga qoyil qolibdi va debdi:

-Sizlarga tasanno, lekin otangizga chiqarilgan hukm hammaga ma’qul kelgan va ko‘pchilikka ibratdir.

SHunda qassobning katta o‘g‘li:

-Ey muhtaram jamoa! Bola — loy, ota va ona — kulol emasmi? Bola onadan o‘g‘ri, qotil yoki aldoqchi bo‘lib tug‘ilmaydi-ku.

Uni tarbiyalovchi ota-ona va tashqi muhitdir. Otamizga chiqargan hukmni otamizga emas, uning otasiga chiqarish kerak edi. Otamiz o‘zi ilmsiz bo‘lsa ham, bizni shunchalik ilmli, ma’rifatli bo‘lishimizga sharoit yaratdi... Otamiz TAHSINga loyiqdir, — dedi.

Xalifa uzoq sukut saqladi va dedi:

-Ey vazir! Sen endi iste’foga chiq. SHu bola menga vazir bo‘lsin.

Ey jallod..! Qassobni olib kel, ustiga zarbop to‘n yop, bu elga ibrat bo‘lsin. CHunki bizning kelajagimiz farzandlarimiz. Bola tarbiyalashdagi oliyjanobligi uchun QASSOB shunga loyiqdir. Qassobning otasi tirik bo‘lsa, olib keling, o‘lgan bo‘lsa, go‘ri ustiga o‘ttiz darra uring. CHunki shu qassob ham yoshligida o‘ta iste’dodli bo‘lgan.

Otasi esa unga qassobchilikdan boshqa narsani o‘rgatmagan. - deb hukmni o‘zgartiribdi...

@masjiduz

Mashhur ateistlar (xudosizlar)

Braziliyalik siyosatchi Tankredo di Ameydo Neves saylov paytida ''Agar besh yuz ming ovoz olsam, hatto xudo ham meni prezidentlik lavozimidan tushirolmaydi'' degan. U besh yuz ming ovoz oldi va prezident bo‘lishdan bir kun oldin kasal bo‘lib o‘ldi.

Braziliyalik qo‘shiqchi Rio de Janeyroda karnavalda sigaret tutunini osmonga puflab, ''Bu senga xudo!'' dedi va 32 yoshida OITS (spid)dan o‘ldi.

Titanikni yasagan injener qurish ishlari yakunlangach, ''Endi buni xudo ham cho‘ktirolmaydi'' degan ekan.

#verguluz

@VAQT_Motivatsiyasi

Ilmga qarshi, fikrga dushman va hayot bilan sharafli sulh kelishuvini rad etadigan har qanday dindorlik, yashovchanlikning barcha imkoniyatini boy bergan dindorlikdir.

SHayx Muhammad G‘azzoliy

---

Izoh: Agar dindorlik ilmga qarshi, fikrga dushman va hayot maydonida boshqalar bilan kelishib yashashni xohlamaydigan bo‘lsa, bu dindorlikning kelajagi yo‘q. Bu gapning haq ekaniga o‘rta asr Evropa inkvizitsiyasini eslash kifoya. Endi bugunda ayrim musulmon mamlakatlar va jamoatlar ham o‘zini bu to‘g‘rida o‘nglamasa mazkur natijaga ular ham mahkum. CHunki dinimiz ilm va fikrni qadrlaydi, hamda umuminsoniy oilada kelishib yashashga chaqiradi. Buni inkor qilganlar Qur’oni karim va Sunnati nabaviyyani, hamda musulmonlar g‘olib bo‘lgan davrlar tarixini xolis ko‘z bilan o‘qib chiqsinlar.

Mubashshir Ahmad

Manzilimiz: @Mubashshirahmad

Liviyalik olim doktor Aliy Sallobiy haqiqiy musulmon bilan radikal musulmonning farqini ajoyib tushuntirib beribdi:

1. Haqiqiy musulmon o‘z iymoni bilan mashg‘ul bo‘ladi.

Radikal musulmon birovlarning iymoni bilan mashg‘ul bo‘ladi.

2. Haqiqiy musulmon o‘zini va boshqalarni jannatga kirishi uchun harakat qiladi.

Radikal musulmon boshqalarni do‘zaxiy ekanini isbotlashga harakat qiladi.

3. Haqiqiy musulmon kishilarning xato va toyilishlarini kechirish uchun uzr qidiradi.

Radikal musulmon esa insonlarni jazolash va ularni gapirib yurish uchun ularning xatolari , ayblari va toyilishlarini qidirib yuradi.

© Abduqodir Polvonov

Manzilimiz: @MubashshirAhmad

Ibn Qayyimdan: "Agar Alloh bir bandaga ne’mat bersa, uning ne’matmi yoki fitnami ekanini qaerdan bilsa bo‘ladi?" deya so‘rashdi. Savolga imom shunday javob qildilar: "Agar u Allohga yaqinlashtirsa ne’mat, agar uzoqlashtirsa fitna bo‘ladi".

Manzilimiz:@MubashshirAhmad

Ayolning zaifa ekanligini 40 yoshimgacha tan olgim kelmadi.

Zaif, zaifa deyilganda nazarimda qo‘lidan bir ish kelmas, ojiz notavon, kuchsiz na oilani, na bir ishni eplolmas kimsalar ko‘z oldimga kelardi. CHunki hayotning «achchiq -achchiq» bergan «tuhfa»larini zaifa bo‘lmasdan engdimku, degan qarash meni bu «Zaifalik» maqomi naqadar ulug‘ ekanini anglatmagandi.

Zimmamga ortiqcha yukni, toqatimdan ortig‘ini ortmoqlab olgan nodon ekanmanki, Alloh fazlidan fazilat bergan kunlarini o‘z kuchim, aqlim, idrokim deyaveribman, ortig‘i bilan ortmoqlab yuraveribman.

Endi esa elkamda chumoli yursa, ko‘tarolmas vaqtga kelib o‘sha buyuk haqiqatni angladim. Alloh ayolni zaifa yaratib, unga dunyo ne’matlarini eng ulug‘i- onalik baxtini berganini. Afsuski o‘tib ketgan muborak zaifalik umrimni qaytarishni hech imkoni yo‘q... Bu haqiqatni anglagan kunimdan boshlab, zaifalik rohatini tota boshladim.

U shunday his, tuyg‘u, azizlik, mukaramlik-ki, Islom dini ayolga bergan ne’matlarini sanab tugatolmaysiz ekan..!

Ora-sira kimlarningdir hikoyasini eshitib qolamiz:

-Erining topish-tutishi yaxshi ekan-u, ayoli ham «ishlayman», deb turib olibti. Ertalab soat 8:00 dan ishga otlanib, shomgacha aralash ishxonada yurishi, bolalarni qarovsizligi bois er-xotin orasidan ola mushuk o‘tibti.

Mana bu nodonlik..

-O‘zi ikkinchi ayol bo‘lsa, eri uy olib o‘tkazib qo‘yibti. Har oy ro‘zg‘or ta’minotidan tashqari, nafaqasini berarkan. Qo‘li yuk ko‘tarib bozor o‘char qilmas, bolalarini maktab ,bog‘chasigacha mashinada oborsa.. To‘qlikning sho‘xligi tutib, eridan o‘ziga alohida mashina olib berishini talab qilibti. Erining nasihatlari kor qilmay ikki shartning birini tanlabti.

«YO men, yoki mashina..»

YAqinda ko‘rdim talog‘idan keyin yoniga 1 yarim yosh bolasini o‘tqazib olib, kira qilayotgan ekan...

Mana bunisi Ahmoqlik!

Uchinchi hikoya esa, yanada ajoyibroq.

Bir odam yaxshi er, yaxshi ota, munosib va taqvoli inson ekan. SHariat ahkomlari ila yana uylanish niyati borligini ayoliga bildiribti. Ering bu «mash’um» niyatidan qaytarish uchun ayol o‘zini hatto o‘lim yoqasigacha olib borganmish... Kammas, ko‘pmas besh bolaning onasi, erini niyatidan qaytarish uchun qilmagani qolmabti. Aslan ayolning o‘zi ham eriga ikkinchi bo‘lib, bu haqiqatni tish tirnog‘i bilan rad etish barobarida, uning yaxshi hayotiga o‘xshash yana bir shar’iy oila barpo bo‘lishini inkor etibti.

Bunisi esa itoatsizlik..

Bu kichkinagina bitikda hozir yashab turgan davrimizning qahramon «zaifalari» tilga olindi. To‘qima emas..

Biz nimaga buyurilganmizku, nimalarni qilyapmiz.

Azizim Ayol..! (azizim so‘zini yoqtirmayman)

Xunuk bo‘lishingiz ham baxt, tanangizda nimanidir kemtik bo‘lishi ham ne’mat. Bo‘yingiz pastdir yo baland. Ozg‘indirsiz yo sarviqomat. To‘ladirsiz yo kemtik? Ma’lumotingiz oliydir yo oddiy. Boyning qizidirsiz yo kamtarning.

Anglang-bular Sizning aslingiz!

Bu jihatlar sizga Robbingiz bergan ne’mat, izzatdir..!

Ammo hargiz Siz zaifa ekanizi unutmang! Xaddingizni o‘z xududidan baland bo‘ylatmang. O‘z «men»ingizni eringizni «meni» ga qorishtirib tashlang.

Sizning «men»ingiz yo‘q.

Sababi orzularingizning eng ulug‘i Jannat bo‘lsa, unda «men» lar bo‘lmaydi.

Eshitdik va itoat edik, tamom..

Go‘zal orzular, xavaslar, niyatlar hatto romantika, erkalik, sayru sayohat, liboslanish, sevgi-muhabbatning hammasi islomda ortig‘i bilan bor, berilgan! Unda qanday yashash ixtiyori Sizdagina qoldi.

Agar uning chegarasidan nafs istagi ila chiqilsa, o‘zingiz uchun rohat deb o‘ylaganingiz aslida zulmatdir, zalolatdir, do‘zaxdir.

Zaifa birodarlarim!

Taqdiru azalimiz bitilgan , ammo kaftimizda esa ulkan so‘rov-duo bor.

Qanday ham Alloh bergan shunday zaifalikdan quvonmay bo‘ladi?

Boshingizda mushkulingiz bor-a?

Allohdan so‘rang!

Bir gunohni boshida turibsizmi?

Istig‘for ayting!

Qay bir qaror, dunyo va diningiz uchun o‘ydamisiz?

Istixora o‘qing!

Xo‘sh, birodarlarim islomdan javob topmagan savolingiz bormi?

Yo‘q albatta , islom dini yagona va haq dindir.

Muhtaramalar!

Agar anglagan bo‘lsangiz, Sizlarga ham sharafli Zaifalik muborak bo‘lsin deyman. SHu nom ila siz aziz va ardoqlisiz!

© Madina Mo‘minova

Manzilimiz:@MubashshirAhmad

IBRAT UCHUN...

Mavlono Jaloliddin Rumiy hazratlaridan so‘rashdi:

— Nimaga qo‘ylar doimiy iste’mol va qurbonlik maqsadida so‘yilishiga qaramay nasli qirilib ketmaydi? Aksincha ko‘paygani ko‘paygan. Vaholanki, qo‘ylar yiliga bir yoki ikki marta bittadan, ba’zan ikkitadan tug‘adi. Lekin itlar so‘yilmasa ham, birdan o‘nta bolalasa ham ko‘paymaydi. Qo‘ylar kabi suruv bo‘lib ketmaydi?

Mavlono javob berdilar:

— Tongga yaqin vaqt eng barakotli vaqtdir. Bu vaqtda qo‘ylar hech uxlamaydi. Doim uyg‘oq bo‘ladi. Itlar esa kechasi bilan sang‘ib, ayni shu vaqtda uxlab qolib, g‘aflatda bo‘ladi. Qo‘ylar tong barakotidan bahramand bo‘lishadi. Itlar esa bu barakotdan bebahra qolishadi. SHuning uchun qo‘ylar ko‘paygani ko‘paygan. Bas, rizqingiz keng bo‘lishini xohlasangiz, saxarlari bedor bo‘ling.

Turkchadan Maryam Osiyo tarjimasi

@Tabassuming_sababchisiman

Bir millatni yo‘q qilish uchun atom bombasi yo uzoq masofaga uchuvchi raketa bo‘lishi shart emas. Buning uchun ta’lim darajasini tushirish va talabalarni aldov (shpargalka)ga o‘rgatishning o‘zi kifoya. SHunday qilinsa:

* Kasal aldov bilan muvaffaqiyatga erishgan shifokor qo‘lida o‘ladi.

* Uylar aldov bilan diplom olgan muhandis qo‘lida qulaydi.

* Moliya aldov bilan diplom olgan hisobchi qo‘lida inqirozga uchraydi.

* Insoniylik aldov bilan diplom olgan din shayxi qo‘lida halok bo‘ladi.

* Adolat aldov bilan diplom olgan sudya qo‘lida barham topadi.

* Farzandlar ongi aldov bilan diplom olgan o‘qituvchi qo‘lida xarob bo‘ladi.

TA’LIMNING QULASHI MILLATNING QULASHIDIR.

Manzilimiz:@MubashshirAhmad

✅ Bir kuni qishloq ahli yomg‘ir so‘rab ibodat qilishmoqchi bo‘lishdi. Ibodatga belgilangan kuni barcha aholi yig‘ildi. Faqat birgina bolacha o‘zi bilan soyabon olib keldi. Bu - IYMON.

✅ YOsh bolani osmonga otsangiz, u kuladi. CHunki u otasi uni ushlab qolishini, yiqilmasligini biladi. Bu - ISHONCH.

✅ Farzandingizni urishsangiz, u ko‘zlarida yoshi bilan kelib sizni quchadi. Unga achinib, yupatishingizni xohlaydi. BU - MEHR.

✅ Siz og‘ir vaziyatda qolsangiz, siz aqlingiz emas, qalbingiz buyurganidek ish tutsangiz, bu - OQILLIK.

✅ Har kecha uxlamoqchi bo‘lganimizda, ertangi tongda hayot bo‘lish yoki bo‘lmasligimizga kafolat yo‘q. Lekin biz, odatimizga ko‘ra qo‘ng‘iroqli soat (budilnik) ni sozlab so‘ng uxlaymiz. Bu - UMID!

Iymon, ishonch, mehr, oqillik va UMID sizni hech qachon tark etmasin!

Allohning panohida bo‘ling!

Tuningiz osuda kechsin!

✿°•┈┈┈••ৡ❀ৡ•┈┈┈•°✿

«Zulmatlardan nurga» kanaliga ulanish uchun quydagi likni ustiga bosing👇👇👇👇

https://t.me/joinchat/AAAAAEGbtTLPvC3NKKThiA

AYOL ZAKOVATI

(Afsonaviy haqiqat) 

Amir Umarxon — Qo‘qon xoni bo‘lgan. Betakror shoir bo‘lgan.

Nodirabegim — Umarxonning jufti haloli, malika bo‘lgan. Betakror shoira bo‘lgan.

Xon saroyida muntazam tashkil etilgan mushoiralarda mana-man degan shoirlarni «bir cho‘qishda» qochirib yuborgan. Buni karangki, shox, xonadonida ham er-xotin o‘rtasida «g‘idi-bidi»lar bo‘larkan-da! Kunlardan birida Umarxon bilan Nodirabegim arzimagan masalada gap talashib qolibdilar. Aslida-ku Nodirabegim xaq ekan. Ammo Umarxon — baribir xon-da!

— Malikam, — debdi jaxl otiga minib. — Sizga ruxsat! Saltanat xazinasidan o‘zingiz uchun eng qimmatli narsani oling-da, yurtingizga jo‘nang! 

Bazmi jamshid davom etibdi. Umarxon toliqib mudroqqa ketibdi. Bir mahal ko‘zini ochsa, qo‘sh otli foytonda ketayotganmish. Biydek dala. Zulmat. Osmonda yulduzlar... Navkarlar otining tuyog‘i gursillaydi. Qarasa, yonida Nodirabegim o‘tirganmish.

- Bu ne sinoat? — debdi xon xayron bo‘lib. — Kayoqqa ketyapmiz?

- Andijonga! — debdi Nodirabegim kulimsirab. — O‘zingiz yurtingizga jo‘nang, deb amr etdingiz.

Xon, shu kuni bo‘lgan xangomani eslab, yana achchiqlanibdi.

- Men sizni Anjon boring, - deb edim! - Anjonga men ham boraman, degan emasmen!

- To‘g‘ri, olampanox,! — debdi Nodirabegim.— Siz meni Anjon yuborishni xukm etdingiz. Ammo saltanat xazinasidan o‘zing uchun eng qimmatli narsani olib ket, dedingiz. Xukmingiz vojib! Saltanat xazinasida men uchun eng bebaxo boylik — Siz bo‘lasiz! Men o‘sha xazinani o‘zim bilan olib ketishga jazm etdim!

Karvon darxol ortga qaytibdi. O‘sha-o‘sha jannatmakon Amir Umarxon saroyida osoyishtalik xukm surgan, deyishadi.

O‘tkir Hoshimov

#hikoya400

Kanalimizga ulanish uchun quyidagi linkni ustiga bosing 👇

https://t.me/joinchat/AAAAADwRkZQ9I85rZoZq1g

OLTIN ZANJIR

- Ajrashaman!

- Ajrashasan?

- Ha ajrashaman, siz bilan bir kun ham yashay olmayman!

- Bo‘pti, mayli, ajrashsang ajrashaveramiz, nima ajrashaman desam, menga yalinadi deb o‘ylaganmiding, hech qachon!

- YUring, bo‘lmasa bugunoq ariza beramiz!

- YUr, men ham sen bilan yashashga ko‘zim uchib turgani yo‘q, ajrashsang ajrashaveramiz.

—---—

Er-xotin janjallashib, g‘azab ustida bir-biri bilan ajrashishga bel bog‘lab, nikoxini bekor qilish uchun, jadallab sud idorasiga oshiqayotsa, ularni bir qo‘lida qo‘g‘irchoqning boshi va ikkinchisida qo‘llari uzib olingan holatda eshik oldida kutib turgan o‘g‘lini uchratib qoldilar.

- Ha o‘g‘lim bu erda nima qilib turibsan? - so‘radi onasi.

- Oyijon, mana bu boshni siz oling! Dadajon mana bu qo‘llarni esa siz.

- Nega bunaqa deyapsan o‘g‘lim? - xayron bo‘lib so‘radi ota.

- Sizlar ajrashsanglar, meni ham boshimni, qo‘llarimni, oyoqlarimni xuddi shu qo‘g‘irchoq kabi uzib olib, o‘zlaring teng o‘rtada bo‘lib olinglar.

Bu gapdan ota-onani ichi uzildi, har ikkisi ham bir-birlariga qarab olib, barvarakayiga so‘radi:

- Nima uchun bunday qilding o‘g‘lim?, - har ikkisi ham qo‘lidagi qo‘g‘irchoqning azolariga qararkan.

- Men ikkalalaringni ham yahshi ko‘raman, sizlar alohida alohida yashamoqchi bo‘lyapsizlar, men esa bittaman, meni bo‘lib olsalaring, har ikkilalaring bilan ham yashay olaman.

Ota-ona o‘g‘lining gaplarini eshitar ekan, bo‘g‘zi tiqildi, ko‘zlaridan yosh qalqdi.

Baravariga farzandini bag‘riga bosib, undan kechirim so‘radilar.

- Bizni kechir o‘g‘lim, o‘zimizni o‘ylabmizku, seni bir daqiqa o‘ylamabmiz ham, boringga shukr, seni hech qachon ajratmaymiz, hammamiz birga yashaymiz, birga yashaymiz a onasi?

- Huddi shunday dadasi, - deb ota-ona o‘g‘lining ikki elkasi boshini qo‘yib, ko‘z yoshlarini artdilar.

- YAhshiyamki sen borsan o‘g‘lim, sen onang ikkimizni doimiy ravishda bog‘lab turguvchi oltin zanjirimizsan, boringga shukr! To‘g‘ri yo‘l ko‘rsatgan Alloximga shukr!

Biz biror qarorga kelayotganimizda faqat o‘zimizni o‘ylashimiz adolatda emas, yonimizdagilarni, yaqinlarimizni ko‘nglini og‘ritmaslikka intilishimiz haqiqiy musulmonlikka xos odatlardandir, azizlarim.

#hikoya253

Kanalimizga ulanish uchun quyidagi linkni ustiga bosing 👇

https://t.me/joinchat/AAAAADwRkZQ9I85rZoZq1g

Image To Text [OCR]: