Buyuk shoh va shoir Zahirinddin Muhammad Bobur. Boshlovchi

Boshlovchi: Bobur nodir iste’dodli beqiyos insoniy salohiyati bilan haqli ravishda jahon ahlining hayrat va ehtiromiga musharraf bo’ldi. Uning bilan tengsiz iste’dod va qobiliyati dunyoning ko’plab buyuk insonlari tomonidan e’tirof etilgan.
Endi navbatni Bobur haqidagi fikrlardan namunalar eshitsak.(4 ta o’quvchi)
O`quvchi: Javoharlal Neru o’zining ,,Hindistonning kashf etilishi” nomli asarida Boburga baho berib, shunday yozadi: ,,Bobur dilbar shaxs, uyg’onish davriga xos hukmdor, dovyurak, serg’ayrat va epchil inson, u hayot nafosatidan lazzatlana bilgan”. Yana ,, Bobur Hindistonga kelishi bilan u yerda yangi davr va yangi saltanat boshlandi. Mamlakat qudrati va shuhrati oshib, boburiylar saltanatining shuhrati butun Osiyo va Yevropa bo’ylab tarqaldi”,- deb yozadi. Muallif yana Bobur haqida gapirarkan, uni diniy jaholatdan holi hukmdor bo’lganligi va Hindistonliklarning milliy urf-odatlari, rasm-rusmlarini barbod qilmaganligini alohida ta’kidlaydi.
O`quvchi: ,,Boburnoma”ni 1826-yilda ingliz tiliga tarjima qilgan. V.Erskin hamda Djon Leyden Boburga baho berarkanlar ,,Biz Osiyodagi hukmdorlar ichida Bobur singari zukko va talantli kishilarni kamdan – kam uchratamiz. Undagi aqlning aktiv faoliyati, xushchaqchaq, sovuqqonlik, bevafo taqdirning nayranglariga qaramay, ruhining tetikligi, podshohlar orasida kamdan-kam uchraydigan saxiylik, mardligi, iste’dodliligi, fanga, san’atga muhabbati va ular bilan muvaffaqiyatli shug’ullana olishi jihatidan olib qaraganda, Osiyodagi podshohlar orasida Boburga teng keladigan birorta ham podshoh topaolmaymiz” , -deb yozadilar.
O`quvchi: O’zbekiston Respublikasining Birinchi Prezidenti Islom Abdug’aniyevich Karimov 1994-yil 4 oktabrda Andijon viloyatiga qilgan safari chog’ida Bobur nomidagi milliy bog’da o’rnatilgan yodgorlik majmuini ziyorat qilib ,,Xotira daftari”ga quyidagi esdalik so’zlarini yozib qoldirgan.
,,Bobomiz Zahiriddin Muhammad Bobur nomi bu har qancha faxrlansak arziydi. O’zbek xalqining dovrug’ini dunyoga taratgan ulug’ ajdodlarimizdan biri o’laroq, kelajakka buyuk ishonch bilan qarashga o’rgatadi.
Boburmirzo bobomizning sitmosini abadiylashtirishga qo’l urgan insonlarga samimiy minnatdorchilik bildiramiz.