Buyuk shoh va shoir Zahirinddin Muhammad Bobur. Boshlovchi

O`quvchi: Toqatim toldi oqibat,
Taxtni yov oldi oqibat.
O’z yurtim qoldi oqibat,
Afg’on keldim daryo kechib.
Muhammad Yusuf
O`quvchi: Navbatni Qurbanov Zafarbek ijrosida ,,Ne bo’ldi” g’azaliga beramiz.
Ul ahd ila paymon qani, ey yor, ne bo’ldi?
Ul lutf ila ehson qani, ey yor, ne bo’ldi?
O`quvchi: Hindiston ko’hna va boy mamlakatlardan biri bo’lib, jahon madaniyati va tarixiga betakror hissa qo’shib kelmoqda. Bu ajoyib mamlakat tarixida musulmonlar hukmronligi, ayniqsa Zahiriddin Muhammad Bobur Mirzo sulolasi katta iz qoldirdi va Hindiston shuhratini jahonda keng tarqalishiga olib keldi.
Hindistonda Bobur asos solgan davlat 332 yil davom etdi. Bobur avlodidan 6 shaxs, ya’ni Bobur, Humoyun, Akbar, Jahongir, Shoh Jahon, Avrangzeb Hindistonda uzoq davr podshohlik qildilar.
Boshlovchi: Keling, navbatni ,,Hindistonda Boburiylar sulolasi saltanati “ asoschilariga beramiz.
O`quvchi: Nasiriddin Humoyunshoh 23 yoshda Hind taxtiga o’tiradi. Bu davrda mamlakatda ahvol juda mushkul va keskinlashgan edi. Humoyun otasining vasiyatiga ko’ra ukasi Askariyni Sambxalga, Hindolni Marvga, katta ukasi Kamronni Qabul bilan Qandahorga hokim etib tayinlaydi . Humoyun Hindiston davlatini mustahkamlash uchun yangi chora-tadbirlar va islohatlar o’tkazdi. 1556-yil 24-yanvarda saroydagi kutubxonadan chiqib kelayotganida sirg’anib yiqiladi va 49 yoshida vafot etadi.
O`quvchi: Jaloliddin Muhammad Akbarshoh-buyuk hoqon.
Humoyun vafot etganda uning o’g’li Akbar 1556-yil 14- fevralda 13 yoshida taxtga o’tiradi.
Akbar baland bo’yli, ko’kragi keng, qo’llari uzun, ko’zlari va sochlari qop-qora, chehrasi ochiq, qorachadan kelgan chiroyli odam edi. Yarmi turk, yarmi eroniy edi. Mohir chavandoz edi.
Akbar hukmronlik qilgan yillari Hindiston tarixining porloq, shon-shuhrati yuksalgan davrlardan biri hisoblanadi. U o’z faoliyatini hind xalqining baxt-saodati, farovonligiga bag’ishlaydi. Akbar yarim asr hukmronlik qilgan davri boburiylar davlatining tiklanishi va mustahkamlanishi davri bo’lib, u juda katta birlashgan, qudratli saltanat yaratdi . 1605-yili Akbarshoh vafot etdi.