Buyrug‘i maktabgacha ta’limga qo‘yiladigan davlat talablarini tasdiqlash haqida

3-§. Ijod
297. Quyidagilar 5 yoshdan 7 yoshgacha bo‘lgan bolalarda ijod talablari hisoblanadi:
turli tovushlar va ovozlarni ajrata olish;
musiqali va ko‘rgazmali faoliyatda ishtirok etishga qiziqish bildirish;
musiqiy va shovqinli tovushlarni hamda musiqiy asarning mazmunini farqlash.
298. Quyidagilar 5 yoshdan 7 yoshgacha bo‘lgan bolalarda ijod indikatorlari hisoblanadi:
musiqa ohangining tezligiga muvofiq sekin va tez harakatlanish;
ovozli texnikadan foydalanish;
musiqa asarlarini tanlab tinglash;
tanish bo‘lgan musiqa asarlarini astoydil tinglash va ularga nisbatan emotsional
munosabat bildirish;
o‘zi tinglamoqchi bo‘lgan musiqani mustaqil tanlash;
o‘zi o‘rgangan qo‘shiqdan parchalarni mustaqil kuylash;
musiqa asboblariga qiziqish bildirish va ularni chalish;
turli musiqa faoliyatlarida ishtirok etish;
mustaqil ravishda tanish va xayoliy obyektlarni chizish;
rangli bo‘yoqlar bilan rasm chizish uchun turli mo‘yqalamlardan foydalanish;
biror narsani bezatish uchun turli obyektlarning rasmini chizish;
san’at asarlari, kundalik buyumlarni diqqat bilan tomosha qilish;
kundalik buyumlarning nomini aytish va ta’riflab berish;
ko‘rgan va eshitganlarini aks ettirish;
plastilin, loydan shaklchalarni yopishtirish, yasash.
299. 5 yoshdan 7 yoshgacha bo‘lgan bolalar ta’limiga quyidagicha yondashish lozim:
bolaning musiqa eshitganida raqsga tushishini rag‘batlantirish;
musiqaga qiziqish uyg‘otishga ko‘maklashish;
bola o‘z musiqasini yaratishi uchun uni tegishli materiallar bilan ta’minlash;
oddiy muammolarni ijodiy hal qilishini rag‘batlantirish;
bolaning ijod qilib naqshlar yasashi, rasm solishi va plastilin yoki loydan turli shakllar
yasashi uchun uni zarur materiallar bilan ta’minlash;

---

bolaning har qanday yutuqlarini rag‘batlantirish, uning ijod mahsullaridan uy
ko‘rgazmalarini tashkil etish.