Buxoro turizm va madaniy meros texnikumi budjet tashkilotlarida buxgalteriya hisobi

Debet 023 subschyot 1300.0 ming.so‘m;
Kredit 013 subschyot 1500.0 ming.so‘m.
b) Aybdor shaxsdan undiriladigan summaning byudjet daromadlariga hisoblanishi:
Debet 170 subschyot 200.0 ming.so‘m;
Kredit 160 subschyot 200.0 ming.so‘m.
v) Aybdor shaxs tomonidan tashkilot kassasiga kamomad summasining to‘lanishi:
Debet 120 subschyot 200.0 ming.so‘m;
Kredit 170 subschyot 200.0 ming.so‘m.
g) Kamomad summasini hisobvaraqqa kirim qilinishi: Debet 113 subschyot 200.0 ming.so‘m;
Kredit 120 subschyot 200.0 ming.so‘m.
d) Mablag‘larni byudjet daromadiga o‘tkazib berilishi: Debet 160 subschyot 200.0 ming.so‘m;
Kredit 113 subschyot 200.0 ming.so‘m.
Moddiy javobgar shaxs (yoki boshqa xodim) aybdor deb tan olingan holda (agarda asosiy vosita byudjetdan tashqari mablag‘lar hisobidan xarid qilingan bo‘lsa), aybdor shaxsdan undiriladigan summa tashkilotning byudjetdan tashqari mablag‘lar bo‘yicha hisobvarag‘iga kirim qilinadi va buxgalteriya hisobida quyidagicha aks ettiriladi:
kam chiqqan asosiy vositaning dastlabki (tiklanish) qiymatining hisobdan chiqarilishi 01 schyotning tegishli subschyotlari kreditida, qoldiq qiymatini hisobdan chiqarilishi 170 “Kamomadlarga doir hisob-kitoblar” subschyotining debetida, hisoblangan eskirish summasini hisobdan chiqarilishi esa, 02 schyotning tegishli subschyotlari debetida aks ettiriladi. Agarda, mazkur asosiy vositaning qoldiq qiymati va moddiy javobgar shaxs hisobiga olib borilgan summa o‘rtasida farq mavjud bo‘lsa, ushbu farq summa 170 subschyotning debetida (yoki kreditida) va 272 “Boshqa byudjetdan tashqari daromadlar” subschyotining kreditida (yoki asosiy vositaning kirim qilish manbasidan kelib chiqqan holda xaqiqiy xarajatlarni hisobga oluvchi 231, 241, 251, 261 yoki 271 subschyotlarning debetida) aks ettiriladi;
aybdor shaxs tomonidan kamomad summasining to‘lanishi tegishli pul mablag‘larini hisobga oluvchi subschyotlarning debetida va 170 subschyotning kreditida aks ettiriladi.
Shartli misol. Byudjet tashkilotining byudjetdan tashqari rivojlantirish jamg‘armasi mablag‘lari hisobidan sotib olingan va dastlabki (tiklanish) qiymati 1500.0 ming.so‘m bo‘lgan (013-subschyot bo‘yicha), mazkur davga qadar hisoblangan eskirish summasi 1300.0 ming.so‘m (023-subschyot bo‘yicha) va qoldiq qiymati 200.0 ming.so‘m bo‘lgan kompyuteri bo‘yicha tashkilotda o‘tkazilgan inventarizatsiya natijasida kamomadi aniqlandi.
Inventarizatsiya natijasida aniqlangan ushbu kamomad (200.0 ming so‘m) belgilangan tartibda moddiy-javobgar shaxs hisobiga olib borilda va undan undirib olindi. Undirib olingan mablag‘lar belgilangan tartibda byudjet tashkilotining rivojlantirish jamg‘armasi bo‘yicha hisobvarag‘iga kirim qilindi.
Mazkur operatsiya buxgalteriya hisobida quyidagicha provodka bilan aks ettiriladi:
a) Kam chiqqan asosiy vositaning dastlabki (tiklanish) qiymatini hisobdan chiqarilishi:
Debet 170 subschyot 200.0 ming.so‘m;
Debet 023 subschyot 1300.0 ming.so‘m;
Kredit 013 subschyot 1500.0 ming.so‘m.
b) Aybdor shaxs tomonidan tashkilot kassasiga kamomad summasining to‘lanishi:
Debet 120 subschyot 200.0 ming.so‘m;
Kredit 170 subschyot 200.0 ming.so‘m.
v) Kamomad summasini byudjetdan tashqari hisobvaraqqa kirim qilinishi:
Debet 113 subschyot 200.0 ming.so‘m;
Kredit 120 subschyot 200.0 ming.so‘m.
Agarda asosiy vosita byudjet va byudjetdan tashqari mablag‘lar hisobiga sotib olingan bo‘lsa, aybdor shaxsdan undiriladigan summa asosiy vosita qiymatidagi byudjet va byudjetdan tashqari mablag‘larning ulushiga mos ravishda taqsimlanib, mablag‘ning tegishli qismi byudjet daromadiga o‘tkazib beriladi, qolgan qismi tashkilotning byudjetdan tashqari mablag‘lar bo‘yicha hisobvarag‘iga kirim qilinadi.
Ushbu mablag‘lar to‘lig‘icha tashkilotning moddiy-texnika bazasini mustahkamlashga sarflanadi.
Agarda aniqlangan kamomad o‘rniga moddiy javobgar shaxsning tashkilot ixtiyoriga bergan asosiy vositasi kamomad chiqqan asosiy vosita qiymatiga teng yoki kam bo‘lsa, ushbu asosiy vosita belgilangan tartibda bozor qiymatida kirim qilinadi, yetishmaydigan qismi esa, moddiy javobgar shaxs tomonidan pul mablag‘larini kiritish bilan qoplanadi va buxgalteriya hisobida belgilangan tartibda aks ettiriladi.