Buxoro tuman xalq ta’limi bo’limiga qarashli 27-umumiy o’rta ta’lim maktabining “Geografiya” fani o’qituvchisi Sanoyeva Charos Komilovnaning

Sayohatni o'tkazish uchun qo'llaniladigan metodlar.
Har bir fanning o’ziga xos o’rganish metodlri bo’lgani kabi, sayohatni o’tkazish jarayonida ham turli metodlardan foydalanish mumkin. Jumladan , Stasionar, kuzatish,geografik nuqta yozish, marshrutlar uyushtirish orqali hududni o’rganish metodi, taqqoslash, kartografik,aerokosmik ma’lumotlardanfoydalanish, statistik ma’lumotlarni tahlilqilish kabi metodlar o’quv dala amaliyoti o’tishning asosini tashkil etadi. Ushbu metodlarning qisqacha tavsifi:
Stasionar metodi. Ushbu metodning asosini o’quvchilar sayohat rahbari sifatida ishtirok etuvchi o’qituvchilari yordamida sayohat o’tkazilishi mo’ljallanayotgan hududning tabiiy geografik xususiyatlari bo’yicha muqaddam yozilgan ilmiy, o’quv uslubiy adabiyotlar, internet ma’lumotlari asosida ma’lumot to’plab, hududni stsionar holatda ilmiy o’rganadilar.
Kuzatish metodi. O’quvchilar guruh rafbari boshchiligida sayohat o’tilayotgan hududning geologik tuzilishi, iqlim xususiyatlari, ichki suvlari, tuproq qoplami, o’simlik va hayvonot dunyosini bevosita kuzatishlar orqali idrok qiladilar.
Geografik nuqta yozish metodi. Guruh rahbari ixtiyoriy ravishda hududning biron bir komponentini o’rganish va o’quvchilarga uning xususiyatlarini tushuntirib berish uchun eng qiziqarli geografik nuqtani tanlaydi va uni tavsiflab beradi.
Yo’nalishni muhrlash metodi. Sayohatni o’tash jarayonida o’quvchilar marshrut yo’nalishida uchragan ob’ektlarni yo’l –yo’lakay kuzatishi va ularni daftarlariga tushurishlari samarali natija beradi. Chunki o’quvchilar kuzatish mumkin bo’lgan barcha xarakterli tabiat komponentlari,tabiiy geografik jarayonlar aynan sayohat atrofida emas balki undan birmuncha yiroqda joylashgan bo’lishi mumkin.
Taqqoslash metodi. Eng qulay va keng qo’llaniladigan metod bo’lib, uning asosini bir xil sharoitda sodir bo’lgan tabiiy geografik jarayonlarni boshqa bir sharoitda rivojlanish xususiyatlariga nisbatan qiyoslab o’rganiladi.