Buxoro oziq-ovqat va yengil sanoat texnologiyasi

2. Bug’doy donini chiqindilardan tozalash. 
Bug`doy donini qayta ishlashda seperatorlar, tosh tozalagich mashinalari, 
trierlar, namlagich mashinalari va boshqa uskunalar qo`llaniladi. 
Bug`doy doni birinchi seperatorda yirik va yengil aralashmalardan 
tozalanadi va 2,4x20 mm g`alvir yordamida yirik va mayda fraktsiyalarga 
bo`linadi. Har qaysi fraktsiya doni alohida separatorlarda tozalanadi. Yirik 
fraktsiya doni 2,4x20 mm g`alvir qoldig`i bilan ajratib olinadi. 2,4x20 mm 
g`alvirdan o`tgan mayda don uchinchi seperatorga yuboriladi. Uchinchi 
seperatorda mayda don fraktsiyasi 1,7...2,0x20 mm g`alvir qoldig`i bilan 
ajratib olinadi. 1,7...2,0x20 mm g`alvirdan o`tgan va diametri 1,6 mm aylana 
teshikli g`alvirda kolgan aralashma I kategoriyali Chiqindiga yuboriladi. 
Diametri 1,6 mm g`alvirdan o`tgan mahsulot III kategoriya chiqindi 
hisoblanadi. 
Yirik va mayda don fraktsiyalari tosh tozalagich mashinalarida mineral 
aralashmadan tozalanadi. Dondan uzun va kalta bo`lgan aralashmalarni 
ajratish uchun don trierlarga yuboriladi. Har xil aralashmalardan tozalangan 
bug`doy doni issiq suv bilan namlanadi va uning namligi 14,5...15 % ga 
etkaziladi. Namlangan don 30 minutdan 2 soatgacha bunkerlarda 
namiqtiriladi. Namlangan va namiqtirilgan donning qobiqlari va murtagi 
keyingi qobiq ajratish- 
da yaxshi ajraladi. 
3. Bug’doy donining qobig’ini oldindan ajratish. 
Oldindan qobiq ajratish obraziv silindrli qamchinli mashinalarda 
bajariladi. Qobiq ajratish natijasida 4-5 % qobiq va murtak ajraladi. 
Mashinaga tushayotgan donga nisbatan maydalangan donning miqdori 15 % 
dan ko`p bo`lmasligi kerak. Qamchinli mashinalar urniga A1-ZSHN-3 
markali qayroqlovchi mashinalarni o`rnatish mumkin. Bunda qobiq ajratish 
mahsulotlari aspiratorlarda yengil aralashmalardan tozalanadi. 
 
4. Bug’doy mag’izini maydalash va saralash. 
Tayyorlangan bug`doy donini A1-ZSHN-3 markali mashinada uch marta 
silliqlash va uch marta sayqallash natijasida bug`doy yormasi olinadi. Uch 
marta silliqlangan mahsulot elakdonlarda yirikligi bo`yicha bir nechta 
fraktsiyaga saralanadi. Diametri 3,8...4 mm teshikli g`alvirda qolgan yirik 
mahsulot valli dastgoxda maydalanadi. Valli dastgoxdagi vallar uzaro 
perpindikulyar joylashgan bo`lib, tez aylanuvchi valni aylana kesimlari bor, 
sekin aylanuvchi valni uzunasiga kesimlari bor. Kesimlarni zichligi 1 sm 
uzunlikdagi valning aylanasida uchta tish kesilgan. Tez aylanuvchi valning 
tezligi 4 m/sek. Vallarni tezligini nisbati 1,25:1.