Buxoro oziq-ovqat va yengil sanoat texnologiyasi instituti

6.4. Moda va mediana. 
O`rtacha  miqdor  bir-biridan  tafovutda  bo`lgan  alohida  miqdorlarning 
o`rtachasidir.  SHu  tufayli  ular,  bir  tomondan,  to`plam  uchun  xos  bo`lgan 
umumiy  yo`nalishni,  qonuniyatni  ochib  bersa,  ikkinchi  tomondan,  belgining 
alohida  qiymatlarini  niqoblaydi.  Vaholanki,  ayrim  hodisa  va  jarayonlarni 
kuzatishda  alohida  belgilarning  aniq  qiymatlarini  hisobga  olish  zaruriyati 
tug’iladi.  Masalan,  kiyim-kechak,  oyoq  kiyimlariga  bo`lgan  talab  ularning 
o`rtacha o`lchamiga binoan emas, balki har bir o`lchamning aniq soni bo`yicha 
hisoblanadi.  Avtomashinalar uchun benzinga bo`lgan talab  benzinning o`rtacha 
markasiga binoan emas, balki uning aniq markalari (66, 72, 76, 93 va hokazolar) 
bo`yicha  aniqlanadi.  Bunday  hollarda  statistikada  o`rtacha  miqdorlar  bilan  bir 
qatorda  belgilar  o`rtasidagi  tafovutni  tavsiflash  uchun  moda  va  medina 
qo`llaniladi.  
Moda  deyilganda  to`plamda  eng  katta  songa  yoki  salmoqqa  ega  bo`lgan 
ko`rsatkich  tushuniladi.  U  oraliq  va  oraliq  bo`lmagan  (diskret)  qatorlar  uchun 
aniqlanishi mumkin.  
Diskret  qatorlarda  modani  aniqlashda  hech  qanday  qiyinchilikka  duch 
kelinmaydi. Bunday qatorlarda qaysi bir variantning vazni ko`p uchragan bo`lsa, 
shu variant moda bo`lib hisoblanadi.  
 Misol. Poyabzal magazinida sotilgan oyoq kiyimlar o`lchamlari bo`yicha 
quyidagicha taqsimlangan: 
Erkaklar oyoq kiyimi o`lchami  
38  39  40  41 
42  43  44  45 
Sotilgan kiyimlar soni  
10  40  58  180  62  30  5 
2 
 
Misolimizda  41  o`lchamdagi  oyoq  kiyimi  eng  ko`p  xarid  qilingan.  Ana 
shu o`lcham ushbu to`plam uchun moda bo`lib hisoblanadi.