Buxoro muhandislik-texnologiya instituti

Murakkab  takroriy  un  tortish
  jarayoni  yormachalarni  boyitmasdan  yoki 
yormachalarni boyitish yo‘li bilan bajarilishi mumkin. Yor-machalarni boyitish yo‘li 
bilan bajariladigan murakkab takroriy un tortishda donni tozalash va konditsiyalash 
kengaytirilgan usulda olib boriladi. Yormalash jarayoni 4 yoki 6 ta sistemada amalga 
oshirilib, yormalarning qobig‘I  qamchinli va cho‘tkali mashinalarda ajratiladi. Bunga 
iloji boricha dondan ko‘proq  yorma,  kam-roq  miqdorda  un olish  kerak,  chunki don 
hali  navlarga  saralanmagan  bo‘ladi.  Yormalarni  boyitish  deganda  ularni  sifati  va 
o‘lchamlariga  qarab  elaklovchi  sovuruvchi  mashinalarda  saralash  tushuniladi. 
Saralash havo oqimi purkaladigan elaklarda amalga oshirilib, zarrachalarning turli xil 
aerodinamik xossalariga asoslangan. Toza endospermali yormalarning zichli-gi katta 
bo‘lganligi  tufayli  havo  oqimining  qarshiligini  yengib  elakdan  o‘tadi,  qobiqqa  ega 
bo‘lgan yengil va kat-ta zarrachalar alohida ajralib chiqadi. 
Boyitish  yormalarni  qo‘shimcha  silliqlash  yo‘li  bilan  ham  amalga  oshiriladi. 
Silliqlash deb, yormalardan qolgan qobiqni ajratib olish uchun ularni bir nechta valli 
dastgohlardan o‘tkazish jarayoni tushuniladi. 

---

211 
 
Yormalarni  maydalash  yanchish  sistemalarida  amalga  oshiriladi.  Alohida 
sistemalarga  yo‘naltirilayotgan  yormalar,  oldindan  kattaligi  va  sifatiga  qarab 
guruhlarga ajratiladi. 
Un  navlarini  shakllantirish  deganda  turli  tortish  sistemalaridan  kelayotgan  un 
oqimlarini  ikki  yoki  uchta  nav-ga  ajratib  aralashtirish  tushuniladi.  Un  navlarini 
shakllantirishda kuldorlik, rang, kleykovina miqdori va un zarrachalarining o‘lchami 
kabi ko‘rsatgichlar inobatga olinadi. Aralashmalardan tozalash va zarrachalarning bir 
xil  o‘lchamini  ta‘minlash  uchun  shakllantirilgan  un  navlari  nazorat  elaklaridan 
o‘tkaziladi. 
Bundan  so‘ng  un  magnit  separatorlaridan o‘tadi  va  qadoqlash bo‘limiga  yoki 
uni qopsiz saqlash va jo‘na-tish siloslariga yuboriladi. 
Yormachalarni boyitish  yo‘li bilan  bajariladigan  murakkab takroriy  un  tortish 
usuli  turli  un  navlari  ishlab  chiqarish  imkonini  beradi.  Agar  barcha  yormalash  va 
yanchish sistemalaridan olingan unni yagona nazorat tag-dondan o‘tkaziladi, u holda 
uning bir navi olinadi, bunda tortish bir navli deb nomlanadi. Masalan, chiqishi 72% 
bo‘lgan  birinchi  navli  bug‘doy  unini  olish  mumkin.  Unni  ikki  navini  olish  ham 
mumkin,  bu  holda  tortish  ikki  navli  deb  nomlanadi.  Bunday  tortishda  birinchi 
yanchish  sistemalaridan  40%  miqdorda  birinchi  navli  un  olina-di,  qolgan  38%  i 
ikkinchi navli unni tashkil qiladi. Unning umumiy chiqishi 78%. Murakkab tortishda 
olingan  un  miqdorini  uch  navli  bo‘lish  mumkin,  bunda  un  tortish  uch  navli  deb 
nomlanadi.