Buxoro muhandislik-texnologiya instituti

 Sitrus mevalar. 
      Bu guruhga limon, apelsin, mandarin, greypfrutlar kiradi. 
Sitruslilarning  mevalari  po‘stloqdan,  mag‘izdan,  urug‘dan,  meva  bandidan  va 
kosachadan  iborat.  Po‘stlog‘i  qalin,  zich  bo‘lib,  meva  umumiy  massasining  25-34 
foizini tashkil qiladi. Po‘stloqda mevalarning  qariyb  barcha efir moylari (1,2-2,5 %),  
glyukozidlar va pektin moddalari to‘plangan. Sitrus mevalarning po‘stlog‘i qimmatli 
efir  moylari  va  pektin  olish  uchun  xom  ashyo  bo‘lib  xizmat  qiladi.  Bu  mevalarning 

---

12 
 
mag‘zi tilimlardan iborat bo‘lib,  yangi holda va pyure, pripas, sharbatlar,  va sukatlar 
tayyorlashda ishlatiladi. Yangi meva va rezavorlarni saqlash. 
    Yangi  meva  va  rezavorlarni  uzoq  vaqt  davomida    saqlash    maxsus  
omborxonalarda  amalga  oshiriladi.  Saqlash  rejimi  havoning  ma‘lum  harorati  va 
nisbiy namligini, muhitning gaz tarkibini nazarda tutadi. 
Har  bir  meva  va  rezavorlar  uchun  saqlashning  ma‘lum  bir  muvofiq  sharoitlari  
mavjud.  Ko‘pchilik  meva  va  rezavorlar  uchun  havoning  0  °C  harorati  va  85-90  %  
nisbiy namligi muvofiq hisoblanadi. 
    Yangi  meva    va    rezavorlarning  tarkibida  85-90  %    atrofida  suv  mavjud.    Shu 
tufayli  ular  saqlashga    chidamsizdir.    Buni    inobatga  olib    yangi    meva    va 
rezavorlarni  qayta  ishlab,    oziq-ovqat  sanoati  uchun    zarur  bo‘lgan  yarim  tayyor 
mahsulotlar tayyorlanadi. 
   Novvoylik  makaroni  va  qandolatchilikda  qo‘llanadigan  qayta  ishlangan  meva- 
rezavorlar 
Pulpa  -
  bu  butun  yoki  o‘rtasi  (urug‘lari,  urug‘  xonasi,    danaklari)  olingan  va 
olinmagan    mevalar  yoki  rezavorlar  bo‘lib,  konservalash    uchun    odatda  ularning 
ustidan sulfit kislotasining eritmasi quyiladi. 
Pulpa faqat yangi meva va rezavorlardan tayyorlanadi va quyidagi turlarga bo‘linadi: 
olma,  behi,  o‘rik,  zemlyanika,  qulupnay  va boshqalar.  Sifatiga  qarab pulpa birinchi 
va ikkinchi navlarga bo‘linadi. 
Pulpada mevalar va ularning bo‘laklari o‘lchamlari va  shakliga ko‘ra bir xil bo‘lishi 
kerak.  Bir-biriga yopishib qolgan yoki ezilgan mevalar bo‘lishiga yo‘l qo‘yilmaydi.