Buxoro muhandislik- texnologiya instituti

Audio-vizual reklama kinofilmlar, videofilmlar va slaydfilmlardan iborat. Xalq iste’moli tovarlarini reklama qiluvchi, bir necha daqiqa davom etuvchi reklama roliklari ayniqsa keng tarqalgan. Syujetlar katta dinamizm va jiddiy vaziyatlar asosida quriladi. Ular aholining keng qatlamlariga ko’rsatish uchun mo’ljallangan bo’lib, ko’pincha televidenieda, kamdan-kam hollarda kinoteatrlarda ishlatiladi.
Radio va telereklama aholini qamrab olish darajasi bo’yicha eng ommaviy va samarali hisoblanadi. SHunday qilib, radio-reklama, radio-e’lonlar, radio-roliklar, turli xil radio-jurnallar va radio-reportajlar orqali olib boriladi. Televizion reklamaning ta’sir kuchi yuqoriroq va u televizion reklama roliklari, reklama e’lonlari, reklama tele-reportajlari va tele-ko’rsatuvlari, ko’rsatuvlar o’rtasidagi reklama tele-zastavkalari orqali amalga oshiriladi. Tele-reklamaning ayon bo’lgan afzalliklari bilan bir qatorda (tezkorlik, auditoriyani ommaviy qamrab olish, qatnashish effekti) u hali ham qimmat bo’lib qolmoqda va uning narxlari o’sish tendensiyasiga ega.
Ko’rgazmalar va yarmarkalar reklama qilinadigan tovarlarni namoyish etish uchun qulay sharoitlarni namoyon etadi va shu bilan bir vaqtda bevosita iste’molchilar bilan to’g’ridan-to’g’ri aloqalarni bog’lash uchun yordam beradi. Ko’rgazma tadbirlarini taqdimotlar (prezentasiya), «doira stollari», matbuotdagi reklama kampaniyasi bilan birgalikda o’tkazish reklama maqsadlariga erishishda katta samara beradi. Ko’rgazma o’zining mohiyatiga ko’ra jamiyat hayotining ma’naviy va moddiy sohasining yutuqlarini ommaviy namoyish etish va bir vaqtning o’zida tijorat ishlarini olib borishdan iborat.
Ko’rgazmalarning quyidagi turlari mavjud :

5. 
   qisqa muddatli ko’rgazmalar - 3 haftagacha
   
6. 
   ko’chma ko’rgazmalar - kema, poezdlarda tashkil etiladi.
   
7. 
   namunalar doimiy ko’rgazmalari - diplomatik konsulxonalarda eksport mahsulotlarini namoyon qilish va shartnomalarni tuzish
   
8. 
   savdo xaftaliklari - univermaglarda ma’lum foiz tashlanmasi asosida tovarlar sotiladi.
   

YArmarka esa — bu dastavval tijorat tadbiri bo’lib, uning asosiy vazifasi namoyish etilgan tovar namunalari bo’yicha savdo bitimlarini tuzishdan iborat.