Buxoro muhandislik- texnologiya instituti

Marketing kommunikasiyasining bosqichlari

Yillar	Bosqichning nomi	Bosqichning tavsifnomasi
1950-1960	Tizimsiz kommunikasiya bosqichi	Kommunikativ siyosat katta rol uynamaydi, doimiy talabni ta’minlash uchun tovar taklifi hajmiga konsentrasiya bosh masala hisoblanadi
1960-1970	Tovar kommunikasiyasi bosqichi	Sotishni tashkil etishda korxona kommunikativ vosi-talardan foydalanadi. Birinchi rejaga reklama va sotishni rag’batlantirish chiqadi
1970-1980	Maqsadli guruh kommunikasiya bosqichi	Kommunikasiya firmalar tomonidan foyda olishga imkon beruvchi maqsadli guruhlar bilan o’zaro ta’sirda mijozlar bilan muloqot uchun ishlatiladi
1980-1990	Raqobatli kommunikasiya bosqichi	Kommunikativ sharoitni o’zgarishi va kommunikativ raqobat ko’rsatishning o’sishi korxonadan kommunikasiyani optimal shakl va vositalarini talab qiladi
1990-2010	Raqobatli va integrasiyalangan kommunikasiya bosqichi	Bozorni rivojlanish dinamikasi reklama tashuvchilariga media tarqatishni shakllantirishga va integrasiyalashgan kommunikasiyaga o’tishni talab qiladi

Kommunikasiya raqobat kurashida muvaffaqiyat omili bo’lib hisoblanadi. Korxona o’z firmasining ijobiy imijini yaratish uchun ko’plab kommunikativ jarayonlar bilan o’zaro kelishishga majburdir. Zamonaviy kommunikativ siyosatda strategik va taktik choralarni qamrab oluvchi faqat kompleks yondoshish talab qilinadi. Buning uchun korxonadan tadbirkorlikning integrasiyalashgan kommunikativ konsepsiyasini yaratish va rivojlantirish talab qilinadi.
Integrasiyalashgan kommunikativ jarayonning xususiyati bo’lib, kommunikasiya vosita va jarayoni, tashuvchilari, shakllarining turli-tumanligi hisoblanadi.
Marketing kommunikasiyalari vositalariga media turlari kiradi. Media vositalari magnit va elektron axborot tashuvchilari paydo bo’lishi bilan bog’liq bo’lib, doimiy ravishda rivojlanib bormoqda.