Buxoro davlat universiteti tarix fakulteti tarix kafedrasi

Axborot resurslaridan foydalanish va muhofazasini ta’minlash uchun davlat arxivlarining javobgarligi
Hujjatlashtirilgan axborot resursining muhofazasini ta’minlash bo’yicha choralar uni davlat arxiviga topshirayotgan tashkilot tomonidan belgilanadi.
Axborot resursini davlat saqloviga qabul qilishda xavfsizlikni muhofaza qilishni quyidagi dasturiy-texnik vositalar va tashkiliy choralar yordamida tegishli davlat arxivi ta’minlaydi:

• 
  axborot xavfsizligiga tahdidlarni aniqlash va bartaraf etish;
  
• 
  axborot resursining arxiv nusxasini topshirish, arxivni shakllantirish, uni saqlash va undan foydalanishda ma’lumotlarning to’liqligini ta’minlash;
  
• 
  ruxsat berilmagan axborot resursidan foydalanish, unga qo’shimcha va o’zgartishlar kiritishdan muhofaza qilish;
  
• 
  arxiv ma’lumotlarning zaxira va qayta tiklanishi tizimini ta’minlash.
  

Umumiy foydalanishga mo’ljallangan axborot resurslari (yuridik va jismoniy shaxslar, normativ-huquqiy aktlar, tabiiy resurslar, davlat organlarining veb-saytlari va boshqalar bo’yicha ma’lumotlar bazalari) barcha davlat organlari, yuridik va jismoniy shaxslarga davlat arxivlari tomonidan ularga belgilangan vakolatlar doirasida taqdim etiladi.
Maxsus davlat axborot resurslaridan (davlat siri va konfidenstial ma’lumotlarga ega bo’lgan idoralar, hududiy boshqaruv va hokimiyat organlari, davlat yuridik shaxslari va jismoniy shaxslar) foydalanish uchun ruxsat berish davlat arxivlari tomonidan ularni shakllantirish, qo’llanilishi va yangilanib borilishiga mas’ul bo’lgan organlar bilan kelishilgan holda amalga oshiriladi.
Axborot resurslarini davlat saqloviga topshirgan tashkilotlar undan foydalanish huquqidan mahrum bo’lmaydilar.
Axborot resurslarini davlat saqloviga qabul qilgan davlat arxivlari quyidagilar uchun javobgardirlar:

• 
  ma’lumotlar bilan ishlash qoidalarini buzganlik, ma’lumot almashinuvini amalga oshirishda huquqbuzarlik harakatlaridan foydalanganlik va yo’l qo’yganlik;
  
• 
  jismoniy shaxslar haqida shaxsiy ma’lumotlarga ega bo’lgan axborotlarni tarqatganlik;
  
• 
  axborot resurslarining himoya qilinishini ta’minlash;
  
• 
  axborot resurslaridagi ma’lumotlarni o’g’irlash, yo’qotish, buzish, blokirovka qilish va soxtalashtirish;
  
• 
  mualliflik huquqlari va intellektual mulk bo’yicha qonunchilikni buzganlik.
  

Davlat arxivlariga amaldagi qonunchilikka muvofiq boshqa javobgarlik ham yuklatilishi mumkin.