Buxoro davlat universiteti tarix fakulteti tarix kafedrasi

Axborot resurslarining arxiv nusxalarini yaratish va ularni davlat saqloviga topshirish tartibi
Reja:

1. 
   “Axborot resurslarining arxiv nusxalarini yaratish va ularni davlat saqloviga topshirish tartibi bo’yicha yo’riqnoma”si
   
2. 
   Axborot resurslarining tasniflanishi va axborot resurslarining qimmatini ekspertiza qilish
   
3. 
   Axborot resurslarining arxiv nusxalarini yaratish tartibi
   
4. 
   Arxiv nusxalarini davlat arxiviga topshirish tartibi
   
5. 
   Axborot resurslaridan foydalanish va muhofazasini ta’minlash uchun davlat arxivlarining javobgarligi
   

O’zbekiston Respublikasi Adliya Vazirligida 2007 yil 13 avgustda 1703-son bilan ro’yxatga olingan O’zbekiston Respublikasi "O’zarxiv" agentligi bosh direktorining 2007 yil 17 iyuldagi18-son buyrug’i bilan tasdiqlangan ushbu Yo’riqnoma O’zbekiston Respublikasining "Axborotlashtirish to’g’risida"gi qonuni (O’zbekiston Respublikasi Oliy Majlisining Axborotnomasi, 2004 y., 1-5-son, 10-modda), O’zbekiston Respublikasi Vazirlar Mahkamasining 2005 yil 22 noyabrdagi "Axborotlashtirish sohasida normativ-huquqiy bazani takomillashtirish to’g’risida"gi 256-son qaroriga (O’zbekiston Respublikasi qonun hujjatlari to’plami, 2005 y., 47-48-son, 355-modda) muvofiq axborot resurslari qimmatining ekspertizasini o’tkazish va arxiv nusxalarini yaratish, shuningdek ularni respublika davlat arxivlariga saqlash uchun topshirish tartibini belgilaydi.
Yo’riqnoma O’zbekiston Respublikasi Vazirlar Mahkamasining 1999 yil 30 oktyabrdagi 482-son qarori bilan tasdiqlangan "O’zbekiston Respublikasi Milliy arxiv fondi to’g’risidagi nizom"ga muvofiq MEK yoki EKning xulosasi asosida hujjatlari O’zbekiston Respublikasi Milliy arxiv fondiga kiritilgan korxonalar, tashkilotlar, muassasalarga (keyingi o’rinlarda tashkilotlar deb yuritiladi) mo’ljallangan.
Mazkur Yo’riqnoma asosida har bir tashkilot arxiv nusxalarini yaratish, ularni davlat saqloviga topshirish tartibi va shartlari batafsil bayon qilingan axborot resurslarining arxiv nusxalarini yaratish va ularni davlat saqloviga topshirish tartibi bo’yicha o’zining ichki idoraviy yo’riqnomasini ishlab chiqadi. Yo’riqnoma tashkilot rahbari tomonidan tasdiqlanadi va O’zR tegishli markaziy davlat arxivi, Qoraqalpog’iston Respublikasi, viloyatlar va Toshkent shahar arxiv ishi bo’yicha hududiy boshqarmasining ekspert-tekshiruv komissiyasi bilan kelishiladi.
ETKga arxiv nusxalarini elektron hujjatlar arxiviga topshirish jadvali ham kelishish uchun taqdim qilinadi. Jadval yangi axborot resursini qo’llaydigan axborot texnologiyasini foydalanishga joriy etishda ishlab chiqiladi yoki to’ldiriladi.