Buxoro davlat universiteti raxmatullayeva f. M. Korporativ strtegiya va tashkiliy dizayn

Specific – aniq va ravshan bo'lishi lozim, ularning noto’g’ri yoki turlicha talqiniga o'rin qolmasligi lozim;

Measurable – o’lchov: maqsadga erishish faktini aniqlash uchun maqsad miqdoriy ifoda ko’rinishida bo'lishi kerak;

• 
  Achievable – muvaffaqiyat: tashkilot rahbari va xodimlar belgilangan maqsadga erishish mumkinligiga ishonch hosil qilishlari kerak;
  
• 
  Related – muvofiqlik va maqbullik: maqsad tashkilotning strategiyasi, xodimlarning manfaatlari bilan bog'liq bo'lishi kerak; maqsadlar tashkilot xodimlarini ziddiyatli harakatlarga yo'naltirmasligi kerak, ya’ni bir yo’nalishda harakat qilishlari lozim.
  
• 
  Time-bound – vaqt yo'nalishi: maqsad erishish muddatlari bo’yicha vaqt shakalasida aniqlanishi kerak.
  

Boshqarish tizimida maqsadlar bir qator muhim funktsiyalarni bajaradi.

1. 
   Maqsadlar tashkilot falsafasini, uning faoliyat va rivojlanish kontseptsiyasini aks ettiradi.
   
2. 
   Maqsadlar tashkilot ishining asosiy yo'nalishlarini belgilaydi va shu sababli uning umumiy va boshqaruv tuzilishining asosini tashkil etadi, uning mohiyati va xususiyatlarini, vakolat va majburiyatlar taqsimotini belgilaydi.
   
3. 
   Maqsadlar mavjud vaziyatning noaniqligini kamaytiradi, subyekt uchun muhitdagi oriyentirga aylanadi, unga moslashishga yordam beradi, barcha darajalarda aniq rejalar va dasturlarni tuzish uchun asos bo'lib xizmat qiladi va ularning integratsiyasini ta’minlaydi. Agar aniq belgilangan maqsadlar bo'lmasa, strategiyalarda nomuvofiqlik mavjud bo’ladi, baholash va nazorat qilish qiyinlashadi, tashkilot o’z-o'zi bilan raqobatlasha boshlaydi.
   
4. 
   Istalgan maqsadlarga erishishga e'tiborni jamlash, odamlarga tezroq harakat qilish ning bir zumlik turtki va istaklariga qarshi turishga imkon beradi, bu esa juda kam xarajat bilan o'z rejalariga erishadi.
   
5. 
   Maqsadlar muammolarni aniqlash, yechim variantlarini tanlash, ularni batafsil bayon qilish, tegishli faoliyatni muvofiqlashtirish, olingan natijalarni monitoring qilish va baholash, shuningdek xodimlarni moddiy va ma'naviy rag'batlantirish mezonlari asosini tashkil etadi.
   
6. 
   Maqsadlar (ayniqsa strategik), ular haqiqiy yoki xayoliy bo'lishidan qat'i nazar, atrofiga ixlosmandlari birlashtiradi, ularni ixtiyoriy ravishda yuqori majburiyatlarni olishga va ularning bajarilishiga erishishga undaydi (shuning uchun maqsadni shakllantirishda undash mabjud bo'lishi kerak).