Buxoro davlat universiteti raxmatullayeva f. M. Korporativ strtegiya va tashkiliy dizayn

1.2. Strategiya tushunchasi. Muvafaqqiyatda strategiyaning roli.

"Strategiya" tushunchasi etimologik jihatdan yunoncha «strategia» so’zidan kelib chiqadi, ikki qismdan iborat: stratos- armiya va ago-yetaklayman, ya'ni kelib chiqishi harbiy atamadir.

Strategiya harbiy amaliyotlarni rejalashtirish va amalga oshirishning nazariy asoslarini ishlab chiqadigan, siyosatning strategik vazifalarini belgilovchi va unga xizmat qiluvchi, urushning qonuniyatlari va xarakterini o'rganadigan harbiy san'atning eng yuqori sohasidir.
Strategiya kompaniyaning barcha faoliyatini qamrab oladigan, birlik, boshqaruv va maqsadga yo'naltirilgan rejimni ta’minlaydigan ko'p o'lchovli kontseptsiya sifatida ko'rib chiqilishi mumkin.
Strategiyaga yagona ta'rif berish juda mushkul, chunki strategiya shu qadar ko'p qirraliki, unga salgina boshqa nuqtadan qaralsa xam uning mazmuni butunlay o'zgarib ketadi.

• 
  Strategiya - bu yakuniy natijaga erishish vositasi.
  
• 
  Strategiya tashkilotning barcha qismlarini yagona bir butunga birlashtiradi.
  
• 
  Strategiya tashkilotning barcha asosiy jixatlarini qamrab oladi.
  
• 
  Strategiya - bu tashkilotning uzoq muddatli rejasidir.
  
• 
  Strategiya tashkilot rejasining barcha qismlari moslashuvini ta’minlaydi.
  

Strategiya sohasidagi eng muhim ishlarning ayrimlarini ko'rib chiqish, strategiya kontseptsiyasining yagona ta'rifini berishga imkon beradigan quyidagi kerakli izohlarga olib keladi.
1. Strategiya yechimlarning izchil, birlashgan (унифицированное) va integratsiyalashgan modeli sifatida
Strategiyani butun tashkilot uchun keng qamrovli va integral harakatlar rejasini ta'minlaydigan asosiy kuch sifatida ko'rib chiqish odatiy holdir. Shu nuqtai nazardan qaraganda, strategiya korxonaning asosiy maqsadlarini amalga oshirishni kafolatlaydigan rejalarga harakat beradi.
Strategiyani firmaning qarorlari modeli sifatida ko'rib chiqsak, strategiya firma faoliyatidagi muqarrar (zarur) bir qurilmadir. Biz tashkilotga kelib, qaror qabul qilishning mohiyatini o'rganishimiz va mahsuldorligini baholashimiz mumkin. Strategik modellar kompaniyaning firma ichidagi hokimiyaning yuqori qatlamlarida yoki tashqi kuchlarda qayta joylashishlar sababli rivojlanish kursining o'zgaruvchanligi aniqlanganda farq qilishi mumkin. Har qanday holatda, strategik modellarni yaratish kompaniyaning yuqori boshqaruvi tomonidan boshqariladi. Strategiyalar firma o'tmishda qilgan va o'z navbatida uning kelajakdagi maqsadini aniqlay oladigan harakatlarning izlarini aks ettiradi.