Buxoro davlat universiteti ijtimoiy-iqtisodiy fakulteti

birinchidan

, 

keng  ko‘lamli  islohotlarni  hamda  siyosiy,  iqtisodiy  va  gumanitar  qurilishning 

maqsadli  vazifalarini  bajarish,  ijro  etuvchi  hokimiyat  tomonidan  ichki  va  tashqi 

siyosatni  amalga  oshirishda  siyosiy  partiyalarning  tashabbuskorligi,  roli,  ta’siri 

hamda  mas’uliyatini  kuchaytirishga  olib  keladi. 

Ikkinchidan

,  hokimiyatning 

vakillik  va  ijro  etuvchi  organlarini  shakllantirishda  siyosiy  partiyalar, 

harakatlarning  faol  ishtiroki  uchun  zarur  tashkiliy-huquqiy  sharoitlarni 

yaratadi. 

Uchinchidan

, hukumat  tuzilmalarining, markazdagi  va  joylardagi  davlat 

hokimiyati organlarining siyosiy partiyalarning mamlakat parlamentidagi vakillari, 

mahalliy vakillik organlaridagi deputatlik guruhlari oldida hisob berishini belgilab 

beradigan va ta’minlaydigan samarali huquqiy mexanizm yaratadi.

To‘rtinchidan

, 

parlament quyi palatasidagi siyosiy  partiyalar fraksiyalari o‘rtasida yuzaga kelgan 

o‘ziga  xos  konstruktiv  raqobat  muhitini  huquqiy  jihatdan  mustahkamlash  va 

yanada takomillashtirishga xizmat qiladi

1

. 

Bundan tashqari, 2008 yil 25 dekabrda qabul qilingan «Saylov to‘g‘risidagi qonun 

hujjatlari  takomillashtirilishi  munosabati  bilan  O‘zbekiston  Respublikasining 

ayrim  qonunlariga  o‘zgartish  va  qo‘shimchalar  kiritish  haqida»gi  Qonun  ham 

bugungi  kunda  siyosiy  partiyalarning  mamlakatni  demokratik  yangilash  hamda 

modernizatsiya qilish bo‘yicha islohotlarni amalga oshirishdagi rolini, Oliy Majlis 

Qonunchilik  palatasi,  davlat  hokimiyati  mahalliy  vakillik  organlari  faoliyatida 

siyosiy  partiyalar  vakilligini  kuchaytirish,  bir  so‘z  bilan  aytganda,  siyosiy 

partiyalarning faolligini oshirishda muhim o‘rin tutadi. 

                                                 

1

A.X.Saidov.  O’zbekiston  saylov  tizimida  fuqorolarning  tashabbuskor  guruhlari.//  O’zbekiston  Respublikasi 

Markaziy saylov komisyasi axborotnomasi. Toshkent. 2004.№ 4.B-20 

 

---

52 

 

Albatta,  ushbu  qonunlarda  belgilangan  qoida-talablarning  amalga  oshirilishi 

ijtimoiy-siyosiy islohotlarning mantiqiy davomi, mamlakatning davlat-huquqiy va 

siyosiy  tizimini  bosqichma-bosqich,  tadrijiy  rivojlantirishning  natijasi  sifatida 

fuqarolik jamiyatini shakllantirishda hal qiluvchi ahamiyat kasb etishi shubhasiz. 

Kezi kelganda shuni ta’kidlash joizki, mamlakatimizda mustaqillik yillarida 

siyosiy  partiyalarni  shakllantirishning  tashkiliy-huquqiy,  institutsional  tizimi 

tashkil  topdi  va  izchil  rivojlanmoqda.  Muxtasar  aytganda,  mustaqillik  yillarida 

qabul  qilingan,  xalqaro  andozalarga  javob  beradigan  huquqiy  asoslar  siyosiy 

partiyalarning  keng  ko‘lamda  ijtimoiy-siyosiy  faoliyat  yuritishini  ta’minlaydigan 

mustahkam qonunchilik bazasini yaratdi, ularning jamiyatimizdagi o‘rni, nufuzi va 

mavqei,  vakolatlarini  yanada  kengaytirish  hamda  faoliyati  samarasini  oshirish 

borasida yangi imkoniyatlar ochib berdi.