Buxoro Davlat Universiteti “Agronomiya va BioTexnologiya” fakulteti 13. 1-bioT-21 guruh talabasi Baxriddinova Shaxrizodaning “O’simlikshunoslik” fanidan mustaqil ishi

Bug`doy o`simligi juda ko`p navlari va turlarining oldingi yovvoyi shakllaridan hozirgi seleksion navlarni o`rganish quyidagilarni ko`rsatdi: o`simlik rivojlanishi uchun qancha qulay sharoit paydo bo`lsa uning donlari yiriklashgan sari ildizlari kichrayib boradi. Chunki o`simlik qulay sharoitda o`sganda oziqa izlab ildizni rivojlantirishi zarur emas. O`simlik qanchalik qulay sharoitda o`stirilsa, suv va oziqa moddalar bilan ta'minlansa, ildiz tizimi shunchalik kichiklashib boradi. Bu holat organlarda assimilyat uchun raqobatga emas, balki hosildorlikning kamayishiga olib keladi. Madaniy o`simliklar noqulay sharoitga tushib qolsa albattta, hosildorlik va sifat ko`rsatkichlari pasayib boradi.

Endilikda fotosintez mahsulotlarini juda katta miqdorda talab qilayotgan odamning xatti-harakati oqibatida o`rmonlarda foydali yoqilg`i zahiralari, oziq-ovqat bop mahsulotlar kamayib, bu borada muayyan qiyinchiliklar kelib chiqmoqda. Atmosferadagi karbonat angidridni o`simliklar to`liq o`zlashtirib ololmaydi. Buni o`simlikning fotosintez quvvati pasayishi oqibatiga yo`ymoqdamiz. Aslida esa, keyingi 100 yil mobaynida texnika vositalari ko`payishi, sanoat korxonalari rivojlanishi va yoqilg`i ko`p sarflanishi tufayli krabonat angidrid miqdori oshib bormoqda.