«Buxgalteriya hisobi to’g’risida»gi Qonunning 16-moddasiga binoan moliyaviy hisobotda quyidagi axborot bo’lishi kerak

«Линия» МЧЖ
68-сон буйруқ
2015 йил «01» декабрь Тошкент ш.
«Инвентарлаш комиссиясини ташкил этиш ва инвентарлашни ўтказиш тўғрисида»
Йиллик молиявий ҳисоботни 19-сон БҲМС ва корхонанинг ҳисоб сиёсатига мувофиқ тузиш мақсадида буюраман:

1. 
   Қуйидаги таркибда инвентарлаш комиссияси тайинлансин:
   

комиссия раиси:
Исаев Д.С. – директор ўринбосари; комиссия аъзолари:
Адашев А.Ю. – бош муҳандис; Яшина К.П. – бош бухгалтер; Юсупова Е.Р. – бухгалтер;
Бозорова М.С. – кадрлар бўйича инспектор.

2. 
   Асосий воситалар, номоддий активлар, молиявий инвестициялар, товар-моддий захиралар, касса, дебиторлар ва кредиторлар билан ҳисоб-китоблар 2015 йил 1 декабрь ҳолатига кўра инвентарлашдан ўтказилади.
   

Инвентарлаш 2015 йил 2 декабрда бошланиб, 2015 йил 4 декабрда якунлансин.
Инвентарлаш сабаби: молиявий йилнинг тугаши, якунлар чиқариш ва 2015 йил учун йиллик молиявий ҳисоботни тайёрлаш.

3. 
   Бухгалтерия ҳисоби маълумотларидан тафовутлар аниқланганда моддий жавобгар шахслардан тушунтириш хатлари талаб қилинсин, тафовутлар сабаблари аниқлансин ва айбдор шахслар белгилансин.
   
4. 
   Инвентарлаш бўйича материаллар 2015 йил 5 декабргача бухгалтерияга топширилсин. Директор _______
   

Буйруқ билан танишдилар:
Исаев Д.С. ____V___
Адашев А.Ю. ____V___
Яшина К.П. ____V___
Юсупова Е.Р. ____V___
Бозорова М.С. ____V___


МИСОЛ. Корхона йиллик молиявий ҳисоботни тузиш олдидан инвентарлашни ўтказмоқда. Текширув чоғида компьютер ва тайёр маҳсулот камомади, шунингдек бўёқларнинг ортиқчаси аниқланди.
Комиссия ҳақиқатда мавжуд қимматликлар ва бухгалтерия ҳисоби маълумотлари ўртасида тафовутларни аниқлаганлиги сабабли инвентарлаш рўйхатларидан ташқари солиштириш қайдномалари тузилади.
Текширув давомида комиссия компьютер камомадида айбдорни аниқлади, камомадни унинг ҳисобига қоплаш тўғрисида қарор қабул қилинди. Тайёр маҳсулот камомадида айбдорлар топилмади, у билан боғлиқ зарарларни ишлаб чиқариш харажатларига ҳисобдан чиқаришга қарор қилинди.
Инвентарлаш рўйхатлари, солиштириш қайдномалари ва инвентарлаш натижалари қайдномаларида мазкур активларнинг фақат асосий жадвал қисми тўлдирилишига мисол келтирилади.