Buxgalteriya hisobi, auditorlik faoliyati, buxgalter va auditor kasblari haqida tushuncha

32-modda. Buxgalteriya hisobi to‘g‘risidagi qonun hujjatlarini buzganlik uchun javobgarlik
Qonunning yakunlovchi, 32-moddasida buxgalteriya hisobini tashkil etish va yuritish uchun mas’ul shaxslar buxgalteriya hisobi to‘g‘risidagi O‘zbekiston Respublikasi qonunlarini buzganlik uchun belgilangan tartibda javobgarlikka tortilishini belgilaydi.
Shuni alohida ta’kidlash lozimki, soliq va boshqa qonun hujjatlarida ro‘y bergan o‘zgarishlar buxgalteriya hisobi uslubiyati, moliyaviy hisobotni tuzish va taqdim qilish tartibiga ta’sir qilmasligi lozim. Ular faqat tegishli buxgalteriya hisobi standartlari o‘zgarganida o‘zgarishi mumkin.
O‘zbekiston Respublikasi iqtisodiyotning jahon hamjamiyati bilan uyg‘unlashish jarayoni faollashmoqda. Buxgalteriya hisobini isloh qilish 1994 yil qabul qilingan, «O‘zbekiston Respublikasining Xalqaro amaliyotda qabul qilingan hisob va statistika tizimiga o‘tish bo‘yicha Davlat dasturi»ning tarkibiy qismi hisoblanadi. Buxgalteriya hisobi to‘g‘risidagi qonun va unga asosan qabul qilinadigan me’yoriy hujjatlar milliy iqtisodiyotning samarali faoliyat ko‘rsatishiga ko‘maklashishi lozim.
3.3. Buxgalteriya hisobining milliy standartlari
Ikkinchi pog‘ona O‘zbekiston Respublikasi Moliya vazirligi tomonidan tasdiqlangan buxgalteriya hisobining milliy standartlarini o‘z ichiga olib, ularda hisob yuritishning asosiy prinsiplari va qoidalari mujassamlashgan.
Qonunning yangi tahririda buxgalteriya hisobi standartlarining maqomini mustahkamlash va aniqlashtirish maqsadida «Buxgalteriya hisobi standartlari» nomli 10-modda kiritilgan. Ushbu modda umuman buxgalteriya hisobi standartlari, xususan buxgalteriya hisobining milliy standartlari va moliyaviy hisobotning xalqaro standartlari ahamiyati haqida. Jumladan, unda buxgalteriya hisobi milliy standartlarida buxgalteriya hisobini tashkil etish, yuritish va moliyaviy hisobotni tuzishga doir maxsus talablar belgilanganligi ta’kidlanadi.
Moliyaviy hisobotning xalqaro standartlari esa buxgalteriya hisobi sub’ektlari tomonidan qonun hujjatlarida o‘rnatilgan tartibda qo‘llanishi belgilangan.
Uchinchi pog‘ona – buxgalteriya hisobini uning alohida bo‘limlari bo‘yicha yuritishni ifodalaydigan uslubiy ko‘rsatmalar, yo‘riqnomalar va tavsiyanomalarni o‘z ichiga oladi.