Burg`ilash erimtasini ishlatilish qisqacha tarixi va turlari

Halokatlarning oldini olish tadbirlari

Quduqlarni burg‘ilash jarayonida halokatlarning oldini olishda quyidagi tadbirlarni amalga oshirish tavsiya etiladi.

1. 
   Burg‘ilash ishlari boshlanishidan oldin quduq kovlashning vertikalligini ta’minlovchi burg‘ilash qurilma qismlarining to‘g‘ri yig‘ilganligini tekshirish.
   
2. 
   Burg‘ilash jarayonida burg‘ilarni bir tekisda uzatish. Regulyator uzatmasidan foydalanish.
   
3. 
   Burg‘ilash jarayonida burg‘iga o‘q yukini quduq burg‘ilashning boshidan oxirigacha og‘ir tag hisobiga amalga oshirish. Og‘ir tag quyidagi uzunliklarga ega bo‘lishi kerak: diametri 203 va 178 mm li bo‘lgan og‘irlashtirilgan quvurlarda –70 – 80 metr, diametri 146 mm bo‘lgan quvurlarda esa 100- 120 metrga teng.
   
4. 
   Rotorli burg‘ilashda uzaytirilgan konduktor ichida ishlaydigan burg‘ilash quvur birikmasi qismi bo‘lgan quvurlarga Yoki texnik quvurlar birikmasiga saqlovchi rezinali halqa kiydirish.
   
5. 
   Burg‘ilash jarayonida tushirish-ko‘tarish operatsiyasini o‘z vaqtida o‘tkazish;
   

a) Nazorat o‘lchash asboblarining ko‘rsatmalarini hamda rotor, vertlyug, shlanga holatlarini tekshirish;

b) Hech qayoqga ketmasdan chig‘ir to‘xtatgichi oldida turish.

Burg‘ilash jarayonida asboblarni harakatsiz qoldirmaslik. Bunday hollarda asbob ishchi quvur uzunligiga quduq tubidan ko‘tariladi keyin muntazam ravishda tushirilib, rotor yordamida aylantiriladi.

Burg‘ilash brigadasining doimiy tarkibini saqlash.

Svechalarni burab chiqarishda aylanma kalitdan, keyinchalik, kertiklarni mustahkamlashda mashina kalitidan foydalanish.

Asboblarni yer yuziga ko‘tarish jarayonida har xil nuqsonlarni (qulflarning eritmadan yoyilishi, darzliklar) aniqlash maqsadida qulflarga suv sepish.

Rotorli burg‘ilashda quduqlar vertikalligini nazorat qilish.

Mustahkamlovchi quvurlar birikmasini teskari to‘sqich bilan quduqga tushirishda quvurlar birikmasini quduq og‘zigacha muntazam ravishda gilli eritmalar bilan to‘ldirish.

Quduq tubida burg‘ilarni uzoq vaqt tutib turmaslik. Agar burg‘ilashning mexanik tezligi pasayganda burg‘ini ko‘tarish.

Burg‘ilash quvurlarini profilaktik jihatdan nazorat qilish, hamda ishni boshlashdan oldin va burg‘ilash jarayonida muntazam ravishda sinash ishlarini o‘tkazish.

Burg‘ilash qoida va ko‘rsatmalariga amal qilish.