Burg`ilash erimtasini ishlatilish qisqacha tarixi va turlari

Manjetli sementlash
Odatda quduq stvolllarini sementlashda kam debitli qatlamlarning sementlanib qolishi natijasida quduqlarning ish unumdorligi kes-kin pasayishi mumkin.

Shuning uchun quduqdagi neft va gazli qatlamlar atrofida foydalanish (ishlab chiqarish) quvurlar birikmasining pastki qismiga sizgichli quvur tashkil qilinadi va manjetli sementlash amalga oshiriladi.

12.4 - rasm. Quduqni manjetli sementlash jarayonining texnologik sxemasi.

a – probkalarning tushirilishi va quvur tubiga o‘tirishi; b - sementlash jarayoni; d – sementlangan tirqishni paker bilan bekitish; e – probka va vtulkani burg‘ilab o‘tilgandan keyingi holati.

1 – quduq; 2 – mustahkamlovchi quvur; 3 – ariqcha; 4 – probka; 5 - mahsuldor qatlam; 6 – filtr;

7 – boshmoq; 8 - burg‘ilash eritmasi; 9 – yuqori probka; 10 – sement qorishmasi.

Sementlash jarayonida sement eritmalari quduq tashqi bo‘shligiga sizgich ustiga joylashgan mustahkamlovchi quvurlar birikmasining yon teshigi orqali kiradi. Mustahkamlovchi quvurlar birikmasi ichidagi yon teshikning pastki qismiga to‘g‘ri to‘sqich o‘rnatilgan. U yuqoriga qarab ochiladi va suyuqlikni faqat pastdan yuqoriga qarab o‘tkazadi. Quvurning tashqi qismiga esa o‘pqonsimon manjet o‘rnatilagn. Manjetning asosiy maqsadi sement eritmasining pastga qarab harakatini to‘sishdan iborat.

Manjet o‘pqonsimon shaklda bo‘lib brezent yoki ko‘ndan tayyorlangan. Ular balandligi 60-70 sm ga teng. Manjetning yuqori diametri quduq diametridan ancha katta bo‘ladi.

Hozir manjet bilan sementlash usuli ishlatilmaydi. Uning o‘rniga paker bilan sementlash qo‘llaniladi. Quduqning maxsuldor qatlam joylashgan qismining sementlamay qoldirish uchun quvur birikmasiga paker o‘rnatiladi. Paker mahsuldor qatlam tepasiga joylashtiriladi, quvurlar bilan quduq devori orasi pakerlanib bo‘lgandan so‘ng quvur ichiga shar yoki tiqin yuborib to‘g‘ri teshikni berkitib, sement qorishmasi xaydaladi. Qorishma paker yuqorisidagi teshikdan chiqib quvur orqasiga ko‘tariladi. Pakerdan pastki interval sementlanmay ochiq qoladi. Quvurlardagi teshiklar (filtr) orqali qatlamdan neft va gaz quduqga kirib keladi.