Burg`ilash erimtasini ishlatilish qisqacha tarixi va turlari

Murakkablashgan sharoitlarda sementlash
Odatda, solishtirma og‘irligi 1,8-2,2 g/sm³ bo‘lgan kimyoviy jihatdan qayta ishlab og‘irlashtirilgan gilli eritmalar bilan burg‘ilanayotgan maydonlardagi quduqlar og‘irlashtirilgan sement eritmalari bilan sementlanadi. Bunday quduqlarni sementlashda sement eritmalari kerak bo‘lgan balandlikga ko‘tarilmaydi. Bu esa quduqlarda ko‘p miqdorda kovaklar va darzliklar borligidan dalolat beradi.

Agar quduqni sementlash jarayonida, nasosning bosimi 150 atm. dan oshmasa, bunday sementlash oddiy sementlash toifasiga kiradi. Ayrim hollarda sement eritmalari quduqga xaydalib 300 atm. bosim ta’sirida suyuqlik o‘tkazuvchan tog‘ jinslariga bosiladi. Bunday sementlash - bosim ta’siridagi sementlash deb ataladi.

Bosim ta’siridagi sementlashda sekin qotadigan sementlardan foydalaniladi. Bu sementlar yuqori bosim ta’sirida bo‘shoq (qum) tog‘ jinslar ichiga o‘tkazuvchanlik darajasi 250 darsi bo‘lgandagina kiradi. Yuqori bosim ta’siridagi sementlashda sement eritmasining har xil bosimdagi boshlang‘ich va oxirgi xajmi xisobga olinadi. Odatda suyuqlikning yuqori bosim ta’sirida siqilishidan sement massasining hajmi ancha kamayadi. Yuqori bosim bilan sementlashning oddiy sementlashdan farqi Shundan iboratki, sement eritmasini qatlamga haydashdan oldin ularga yuqori bosim ta’sirida suv haydaladi. Odatda sementlashning bosimi 270-300 atm.ga yetganda u muvaffaqiyatli sementlangan bo‘ladi. Bunday hollarda maxsus sementlovchi fonar qo‘llaniladi. U orqali sement eritmalari quvurlar birikmasi yoki nasos quvurlari orqali quduqlar devorlari oralig‘i bo‘shliqlariga va mustahkamlovchi quvurlar birikmasiga haydaladi.

Sementlovchi fonar tashqi qismida egiluvchan salnik (tokar) va pastki qismida esa teskari to‘sqichi bo‘lgan korpusdan tashkil topgan. Bosim ta’siridagi sementlashda sizgich teshiklarining eng yaqin o‘rtacha masofasi neftli va gazli qatlam kontaktlarigacha 0,5 metrdan oshmasligi kerak. Agar bu masofa 1 metrdan oshib ketsa, bosim bilan sementlash muvaffaqiyatsiz natijaga olib keladi. Odatda bosim bilan sementlash quduq ko‘p miqdorda suyuqlik berganda qo‘llaniladi. Bosim bilan sementlashda bosim asosiy ahamiyatga, haydalayotgan eritmaning miqdori esa, kam ahamiyatga ega.