Булоқбоши тумани бўйича Ғазначилик бўлинмаси томонидан хизмат кўрсатилаётган бюджет ташкилотларининг Ўзбекистон Республикасининг “Давлат харидлари тўғрисида”ги Қонуни талаблари асосида харид жараёнини ташкил этиш бўйича амалга оширилган ишлар

Булоқбоши тумани бўйича Ғазначилик бўлинмаси томонидан хизмат кўрсатилаётган бюджет ташкилотларининг Ўзбекистон Республикасининг “Давлат харидлари тўғрисида”ги Қонуни талаблари асосида харид жараёнини ташкил этиш бўйича амалга оширилган ишлар тўғрисида
АХБОРОТ
Булоқбоши тумани бўйича Ғазначилик бўлинмаси томонидан 2022 йил 1-чораги давомида 23 та бюджет ташкилотига хизмат кўрсатилиб, шундан 4 та бюджет ташкилоти республика бюджетидан, 2 та бюджет ташкилоти махаллий вилоят бюджети хамда 17 та бюджет ташкилоти туман махаллий бюджетида маблағ билан таъминланади.
Ўзбекистон Республикасининг “Давлат харидлари тўғрисида”ги Қонунига кўра давлат буюртмачилари бўлажак харидлари тўғрисидаги режа жадваллари ва электрон харидларини электрон тизимларга жойлаштириш, энг яхши таклифларни танлаш ва тендер савдоларига электрон шаклга ўтканлиги боис янги жорий этилган тизимнинг ишлаши ва унга харидлари тўғрисидаги режа жадваллари киритилиши, махсус ахборот порталига эълонларнинг жойлаштирилиши хамда ғазначилик бўлинмасида шартномаларни рўйхатдан ўтказилиши бўйича қуйидаги тушунтириш ишлари амалга оширилди.

2022 йил 10 февраль куни республика бюджетидан маблағ билан таъминланувчи 2-сонли касб хунар мактабининг 2022 йил 1-чораги учун режалаштирилган электр энергия, интернет, алоқа хизмати, ахлат йиғиштириш учун тузилган шартномалари учун Узасбо дастуридан режа жадваллар киритилиши хамда махсус ахборот порталига эълонларнинг жойлаштирилиши бўйича тушунтиришлар берилиб, ташкилот хисобчисига ўргатилди хамда ДМБАТ дастурий мажмуасида рўйхатга олиниши таъминланди.

Булоқбоши туман Хокимлиги томонидан рангли принтер учун тонер сотиб олиш учун билдирилган сўрови юзасидан https://xarid.uzex.uz/ ахборот порталининг электрон дўконда жойлаштириш бўйича тушунтиришлар берилди. Харажатлар сметасида режалаштирилган маблағга нисбатан электрон дўконда мавжуд товарга жойлаштириш имконияти бўлмаганлиги боис аукцион савдоларга қўйилиши таъминланди.
Шунингдек Маданият бўлимининг 2022 йил 09 февраль куни рўйхатга олинган шартномаси бўйича ДМБАТ дастурий мажмуасида электрон фактурани қабул қилмаётганлиги боис, ушбу шартномани Узасбо дастурига киритиш бўйича тушунтиришлар берилди хамда ДМБАТ дастурий мажмуасида электрон фактурани қабул қилиниб тўловлари амалга оширилиб берилди.

Булокбоши туман Ирригация бўлимидан интернет хариди учун тузилган шартнома суммасини кўпайтириш, қўшимча келишувни янги жорий этилган тизимга жойлаштириш ва ДМБАТ дастурий мажмуасидан рўйхатдан ўтказиш бўйича сўров билдирилганлигини маълум қиламиз.

Булоқбоши туман Ғазначилик
бўлинмаси бошлиғи ўринбосари: Д.Тўраев